scheduleबिहिवार चैत्र १७ गते, २०७३

नेपाली जनताको स्वार्थ नै मुख्य कुरा हो- प्रचण्ड

व्यवस्थापिका संसदमा अविश्वासको प्रस्ताव पारित हुने लगभग निश्चित भएपछि प्रधानमन्त्री केपी शर्मा ओलीले राजीनामा दिए । उनको राजीनामापछि नेकपा माओवादी केन्द्रका अध्यक्ष पुष्पकमल दाहाल प्रचण्डको नेतृत्वमा काँग्रेससहितको गठबन्धन सरकार बनाउने तयारी चलिरहेको छ । यसबीचमा भारतीय सञ्चार माध्यमहरुले नेपालको पछिल्लो राजनीतिक घटनाक्रमहरुमा निकै चासो दिइरहेका छन् ।

Prachanda banner

उनीहरुले ओलीको बहिर्गमन र प्रचण्डको आगमनलाई भारतको जीतको रुपमा चर्चा गरिरहेका छन् । यसबीचमा भारतकै चर्चित पत्रिका ‘टाईम्स अफ इण्डिया’ले नेकपा माओवादी केन्द्रका अध्यक्ष पुष्पकमल दाहाल प्रचण्डसँग लिएको अन्तर्वार्ता प्रकाशित गरेको छ । केशव प्रधानले लिएको सो अन्तर्वार्तालाई हामीले भावानुवाद गरेका छौं ।

 

मुलुकलाई लामो संकटबाट पार लगाउन तपाईंको काँधमा जिम्मेवारी आएको छ, अब कसरी अघि बढ्नुहुन्छ ?

नेपाल धेरै आरोह-अवरोहबाट गुज्रिएको छ । अहिले हामी नयाँ राजनीतिक प्रक्रियामा छौँ । यी सबै कुरालाई हामी सर्वस्वीकार्य हुनेगरी तार्किक निष्कर्षमा पुर्‍याउन चाहन्छौँ ।

 

अब तपाईंका लागि सबैभन्दा अफ्ठ्यारो काम के हो ?

संविधान कार्यान्वयन नै हो । मधेसी, आदिवासी-जनजाति र थारुसँग सम्बन्धित मुद्दामा सहज वातावरण निर्माण गर्न चाहन्छौँ । त्यसपछि भूकम्पपीडितहरुको आवासको समस्या, शान्ति प्रक्रिया (जुन माओवादी राजनीतिको मूल धारमा आएपछि सुरु भएको थियो)लाई तार्किक निष्कर्षमा पुर्‍याउने र आर्थिक विकासमा फड्को मार्ने नै हो ।

 

ओलीको बहिर्गमन र प्रधानमन्त्रीको रुपमा तपाईंको आगमनले बेइजिङभन्दा दिल्लीलाई फाइदा पुग्ने चर्चा भारतमा छ नि !

यसप्रकारको हावादारी र सतही विश्लेषणले कसैलाई फाइदा गर्दैन । हाम्रो देशमा रहेको समस्यागत अवस्थाको गम्भीरता र महत्व नबुझिकन यस्तो विश्लेषण गरिएको हो । यो कसैको हारजितको कुरा होइन ।

 

ओलीले आफ्नो बहिर्गमनमा भारतको हात छ, भन्छन् नि !

एकदम गलत । उनले जे भनिरहेका छन्, यसले स्वयम उनीसहित हामी सबैलाई समस्यामा पार्छ ।

 

प्रधानमन्त्रीको रुपमा तपाईंको पुनर्गमनमा कुनै बाह्य शक्तिको हात छ ?

अहँ, कसैको पनि छैन ।

 

कम्युनिष्ट सहयात्री (ओली)सँग गठबन्धन तोडेर गैर-कम्युनिष्ट काँग्रेस (शेरबहादुर देउवा जसले तपाईंको टाउकोको मूल्य ५० लाख तोकेका थिए)सँग किन हात मिलाउनुभयो ?

यसका धेरै कारणहरु छन् । ओलीजीले हामी र उनी मिलेर सम्बोधन गर्नु पर्ने केही महत्वपूर्ण मुद्दाहरुमा निकै नकारात्मक भूमिका निर्वाह गर्नुभयो, जबकि हामीले असन्तुलित कुटनीतिदेखि लिएर शान्ति प्रक्रिया र मधेस समस्यासम्मलाई सही बाटोमा लैजानु पर्ने आवश्वयकता औंल्याएका थियौँ । ओलीजीसँगको हाम्रो सहकार्यमा सही दिशातर्फ गइरहेको थिएन ।

शान्ति प्रक्रियाको सहयात्री काँग्रेसका तत्कालीन सभापति स्वर्गीय गिरजाप्रसाद कोइरालाले भन्नुहुन्थ्यो, ‘यदि जंगलमा कसैले बाटो बिरायो भने जहाँबाट यात्रा सुरु भएको हो, त्यहीँ पर्किनुपर्छ ।’ त्यसैले हामी आफ्नो विश्वास र भरोसाको बाटोमा फर्किएका हौँ । गिरिजाबाबुको पालामा नै एक दशक लामो सशस्त्र संघर्ष अन्त्य भएको थियो । सन २००५ मा दिल्लीमा भएको १२ बुँदे समझदारी र त्यसपछिको शान्ति सम्झौताको आधारमा नै अब हामी अगाडि बढ्छौँ ।

 

भारतले राणा शासनपछिको शान्ति स्थापना कार्यमा पनि सहजकर्ताको भूमिका खेलेको थियो, १२ बुँदे समझदारीमा पनि भूमिका रह्यो, अब भावी दिनमा खेल्नसक्ने त्यस्तो कुनै भूमिका छ ?

आन्तरिक विषयमा नेपाल र नेपाली जनता आफैँले अन्तिम निर्णय गर्नेछन् । हो, बाह्र बुँदे सहमतिमा भारतको भूमिका थियो, यो कुरा भने हामीले स्वीकार्नु पर्छ ।

 

तपाईं माओवादी विचारधाराबाट आएको मान्छे,  अब बन्ने गठबन्धन सरकारले भारत र चीनसँगको सम्बन्धलाई कसरी सन्तुलनमा राख्छ ?

हाम्रोलागि नेपाल र नेपाली जनताको स्वार्थ नै मुख्य कुरा हो । कुनै पनि कुराले यो राष्ट्रिय स्वार्थबाट हामीलाई टाढा पुर्‍याउन सक्दैन । नेपाली जनताको पक्षमा भएका विषयहरुमा मात्रै भारत, चीन र अन्य मित्र राष्ट्रहरुसँग सहकार्य हुनसक्छ । साथै भारतसँगको हाम्रो अद्वित्तिय सम्बन्ध पनि हामीले राम्रोसँग बुझेका छौँ ।
प्रतिकृया लेख्नुहोस्:
Vianet
sajhapost.com Vacancy
NTC MPoS
Sagarmatha Finance
Sajha Prakashan
Parbhu Bank
Promote your Business with us
Vianet
sajhapost.com Vacancy
NTC MPoS
Sagarmatha Finance
Sajha Prakashan
Parbhu Bank
Promote your Business with us

विश्व More

जीवन शैली More

साहित्य More

स्वास्थ्य More

पत्रपत्रिकाबाट More

प्रवास More

default-addImage
default-addImage