scheduleबिहिवार चैत्र १७ गते, २०७३

अन्तरंग कुराकानी: पुनर्जन्म भए फेरि पनि केटी नै हुन मन छ- करिश्मा

करिश्मा मानन्धरलाई नेपाली फिल्मी क्षेत्रकी सदाबहार नायिकाको रुपमा चिन्ने गरिन्छ । हाल चलचित्रबाट केही टाढा रहेपनि करिश्मालाई दर्शकहरुले अझै बिर्सिएका छैनन् । हाल उनी नयाँ शक्ति नेपालमा आवद्ध भएर राजनीतिमा सक्रिय छिन् । राजनीतिमा हुँदा-हुँदै पनि उनलाई नेता होइन, कलाकारकै रुपमा दर्शकले बढी चिन्छन् । यिनै चर्चित नायिकासँग हामीले केही अन्तरंग प्रश्नहरु सोधेका छौँ ।

karishma-banner

 

तपाईंको विचारमा पूर्ण खुशी भनेको के हो ?
मान्छे बेखुशी हुने धेरै कारणहरु हुन्छन् । लोभ-लालच, इर्श्या, मोहजस्ता चिजहरु मनमा ल्याइएन भने मान्छे खुशी हुन्छ ।

तपाईंलाई के कुरासँग बढी डर लाग्छ ?
म परिवारसँग एकदमै रमाउँछु । मेरो परिवारका सदस्यहरु जस्तै छोरी, आमाको स्वास्थ्य राम्रो होस् भन्ने सोच्छु । उनीहरुको स्वास्थ्य बिग्रन्छ कि भन्ने कुरामा एकमद डर लाग्छ ।

karishmaaa-manandharकुन ऐतिहासिक व्यक्तिजस्तो हुन पाए जस्तो लाग्छ ?
म धेरै मानिसहरुसँग प्रभावित भएको छु । मलाई मानिसहरुको एउटा एउटा पक्ष मन पर्छ । लेडी डायना मलाई मन पर्छ । अनि भारतीय अभिनेत्रीमा रेखा मनपर्छ ।

आफूसँग भएको कुन दोषलाई बढी घृणा गर्नुहुन्छ ?
म कुरा नबुझिकन रिसाउँछु । त्यही बानी मसँग नभइदिएको भए हुन्थ्यो ।

अरुसँग भएको कुन दोषलाई बढी घृणा गर्नुहुन्छ ?
मान्छेको दोहोरो रुप हुन्छ । कुनै-कुनै मानिसको धेरै नै चरित्र हुन्छ । त्यो चाहिँ मन पर्दैन ।

फजुल खर्च केमा गर्नुहुन्छ ?
म धेरै सपिङ गर्छु, त्यसमै मेरो बढी खर्च हुन्छ ।

तपार्इंलाई मन परेको भ्रमण ?
विशेष गरेर मलाई पोखरा मन पर्छ ।

कुन बेला झुटो बोल्नुहुन्छ ?
खासै म धेरै झुट बोल्दिन । त्यो मेरो समस्या हो ।

तपाईंको अनुहारमा भएको तर, मन नपर्ने कुरा ?
खासै केही छैन । सबै मलाई मन पर्छ ।

सबभन्दा घृणा लाग्ने जीवित व्यक्ति ?
म कसैलाई घृणा गर्दिन ।

तपाईंले सबभन्दा बढी प्रयोग गर्ने शब्द वा वाक्य ?
मैले बोलिरहँदा सबैभन्दा बढी प्रयोग हुने शब्द तेइ तेइ (त्यही) हो । अनि म ‘हो’ लाई ‘है’ भन्छु धेरैजसो । यो अड शब्द हो, तर म जति गरे पनि चेन्ज नै गर्न सक्दिन ।

तपाईंले सबभन्दा माया गर्ने मान्छे ?
सबैभन्दा बढी माया गर्ने मान्छे भन्नुपर्दा छोरी कविता हो ।

तपाईं कहिले र कहाँ सबैभन्दा बढी खुशी हुनुभयो ?
जिन्दगीमा सबैभन्दा खुशी भएको कविता (छोरी) पाउँदा नै हो ।

यदि आफूसँग भएको एउटा पक्ष परिवर्तन गर्न पाउने भए के गर्नुहुन्थ्यो ?
मेरो परिवर्तन गर्न पर्ने कुरै छैन । मसँग जे छ त्यसमा एकदमै खुशी छु ।

केमा पछुतो मान्नुहुन्छ ?
म जे गर्छु मनैदेखि गर्छु, त्यसैले केही कुरामा पनि पछुतो छैन ।

अहिलेसम्म तपार्इंको सबैभन्दा महत्वपूर्ण उपलब्धि ?
नेपाली जनताको मन जितेँ । अहिलेसम्म उहाँहरुको मनमा छु, चाहे चलचित्र गरुँ या नगरुँ । एउटा कलाकारको रुपमा उहाँहरुले स्वीकार गर्नुभएको छ । अहिलेसम्म पनि हाम्रो करिष्मा भनेर उहाँहरुले स्वीकार गर्नुभएको छ । त्यो मलाई ठूलो उपलब्धि लाग्छ ।

पुनर्जन्म पाउनु भयो भने ?
म त केटी मान्छे नै भएर जन्मन चाहन्छु । केटी सुन्दरताको प्रतिरुप हो जस्तो लाग्छ ।

तपार्इंको सबैभन्दा पीडादायक क्षण ?
त्यस्तो थुप्रै छ, तर म कुनै पनि दु:ख तथा सुखमा धेरै प्रतिक्रिया गर्दिनँ । एकदम सामान्यरुपमा लिने प्रयास गर्छु ।

तपाईसँग भएको सबभन्दा मूल्यवान चिज ?
अहिलेसम्म स्वस्थ छु, कुनै पनि रोग लागेको छैन । त्यही नै जस्तो लाग्छ ।

कहाँ बस्न बढी मन पराउनुहुन्छ ?
मलाई घर मन पर्छ । घरभित्र पुगेपछि मात्र बल्ल आनन्द हुन्छ ।

साथीमा हुनुपर्ने सबभन्दा महत्वपूर्ण गुण के हो भन्ने लाग्छ ?
मेरो थुप्रै साथीहरु छन् तर मलाई कस्तो लाग्छ भने यदि मेरो मनको भावना बुझेन भने त्यो साथी के काम जस्तो लाग्छ । साथी भएपछि मनको भावना बुझ्ने हुनुपर्छ ।

कुनै उपन्यासको मनपर्ने नायक-नायिकाको नाम ?
अहँ छैन । मैले डायमण्ड शमशेर बसन्ती पढेको थिएँ । बसन्ती कस्तो होला ? यो त धेरै शोषित रैछ । उसको गगनसिंह ब्याइफ्रेण्ड त थ्यो तर जंगलमा राखेको थ्यो नि त ! त्यसैले वसन्ती मलाई पीडित चरित्र लाग्यो ।  आफैँले त्यसमा अभिनय गर्नुपर्‍यो ।

तपाईंलाई मन पर्ने वर्तमान समयका प्रख्यात व्यक्तित्व ?
मलाई बाराक ओबामा मनपर्छ । अनि नेपालमा चाहीँ मेरो नेता भनेर होइन, मलाई डा. बाबुराम भट्टराई मनपर्छ ।

मृत्यु कस्तो होस् जस्तो लाग्छ ?
मृत्यु अचानक होस् जस्तो लाग्छ ।

मनपर्ने भनाइ ?
त्यस्ता थुप्रै छन्, अहिले तुरुन्त याद आएन ।

प्रतिकृया लेख्नुहोस्:
Vianet
sajhapost.com Vacancy
NTC MPoS
Sagarmatha Finance
Sajha Prakashan
Parbhu Bank
Promote your Business with us
Vianet
sajhapost.com Vacancy
NTC MPoS
Sagarmatha Finance
Sajha Prakashan
Parbhu Bank
Promote your Business with us

विश्व More

जीवन शैली More

साहित्य More

स्वास्थ्य More

पत्रपत्रिकाबाट More

प्रवास More

default-addImage
default-addImage