scheduleबिहिवार श्रावण १२ गते, २०७४

भन्सारमा नेपाली ठगिएको भन्दै अन्तराष्ट्रिय नेपाली समाजद्वारा ध्यानाकर्षण

नयाँ दिल्ली, २७ मंसिर । अन्तराष्ट्रिय नेपाली समाज भारतले सीमा क्षेत्रमा नेपालीले भोगिरहेको समस्या र अन्य विषयहरुप्रति ध्यानाकर्षण गराउँदै भारतस्थित नेपाली राजदूतावासमा ज्ञापन पत्र बुझाएको छ ।

नयाँ शक्ति पार्टी, नेपालका संगठन विभाग प्रमुख देवेन्द्र पौडेलको नेतृत्वमा बुझाईएको ज्ञापनपत्रमा नेपाली जनताले भारतमा आवतजावत गर्दा भन्सारमा भोग्नु परेको सास्ती, लुटपाटलगायतका समाधान गर्न माग गरिएको छ ।

ज्ञापनपत्रमा नेपालीले भारतमा औद्योगिक, वाणिज्य, व्यवसायिक, नीजि तथा अन्य क्षेत्रमा काम गर्दा विशेष प्रमाणपत्रको मान्यता प्रदान गर्नुपर्ने माग गरेको छ । नेपाली जनताको सबैभन्दा नजिकैको छिमेकी मित्रराष्ट्र भारतमा धर्म, संस्कृति, भाषा र मित्रतासँगको साईनो भएकै कारण पनि धेरैजसो नेपाली जनता भारतमा रोजगारीका लागि आउने भएकाले सो अवधिमा भारतबाट नेपाल टेलिफोन गर्दा महसुलमा कम गर्न पहल गर्नुपर्ने माग पेस गरेको छ ।

त्यसैगरी भारतीय रुपैँया पाँच सय र एक हजारको नोटलाई सहजै सटही गर्न सक्ने गरी कूटनीतिक पहल गर्नुेपर्ने माग गरेको छ ।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Vianet
NTC