scheduleशुक्रवार जेष्ठ १२ गते, २०७४

झापामा हात्तीको उपद्रो, सर्वसाधारण आतंकित

चारआली, २४ पुस । जंगली हात्तीको उपद्रोका कारण झापा चारआलीका सर्वसाधरण आतङ्कित बनेका छन् ।

दिनहुँ गाउँ पसेर उपद्रो गर्दै आएपछि स्थानीय आतङ्कित हुँदै आएका हुन् । शनिबार बेलुका चारआली जंगलबाट पसेको एउटा दारे हात्तीले ३ वटा घर भत्काउँदा करीब तीन लाख बढीको क्षति पुर्‍याएको छ । जंगली हात्तीले स्थानीय रुपनारायण गौतमको १० मन धान र ढिकुटी भत्काउनुका साथै सुपारी भाँचेर करीब १ लाख बराबरको क्षति पुगेको छ । गौतमको ढिकुटीभित्र राखिएको भक्कारी भत्काएर आधा धान खानुका साथै आधा धान छरेर क्षति गरेको हो ।

त्यसैगरी गौतमका छिमेकी जुना भण्डारीको घरभित्रको एउटा कोठामा राखेको ८ मन धान क्षति गर्नुका साथै सेन्टरबेरा नै भत्काउँदा करीब ८० हजार मूल्यको क्षति गरेको पीडित भण्डारीको भनाइ छ ।

त्यस्तै सोही वडाको अर्का ऋषि खतिवडाले ६ मन चामल र बाँसको टाँटीको बेरा भत्काएर ५० हजारबढीको क्षति गरेको स्थानीय समाजसेवी लक्ष्मण कार्कीले बताए ।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Vianet
Vianet

विश्व More

जीवन शैली More

साहित्य More

प्रवास More

स्वास्थ्य More

पत्रपत्रिकाबाट More

default-addImage
default-addImage