scheduleसोमवार फाल्गुन १६ गते, २०७३

प्राधिकरणका सीईओबारे निर्णय गर्न प्रधानमन्त्रीले बाेलाए मन्त्रिपरिषद् बैठक

काठमाडौं, २७ पुस । प्रधानमन्त्री पुष्पकमल दाहालले पुनर्निर्माण प्राधिकरणका प्रमुख कार्यकारी अधिकृत (सीईओ) सुशील ज्ञवालीबारे निर्णय लिन बुधबार मन्त्रिपरिषद् बैठक बोलाएका छन् ।

बिहान ९ बजे बस्ने बैठकमा ज्ञवालीले दिएको २४ घण्टे दोस्रो स्पष्टीकरणबारे छलफल र निर्णय हुने प्रधानमन्त्रीनिकट स्रोतले जानकारी दिएको छ ।

मन्त्रिपरिषदको नियमित बैठक हरेक साता बिहीबार बस्ने गरेको छ । स्रोतका अनुसार प्राधिकरणको सीईओजस्तो महत्त्वपूर्ण पदमा लामो समय अन्योल राख्न नहुने भएकाले बुधबारै मन्त्रिपरिषद् बैठक बोलाइएको हो ।

ज्ञवालीले भूकम्पमा भत्केका भौतिक संरचना पुनर्निर्माण र पीडितलाई घर पुनर्निर्माण अनुदान वितरण कार्य प्रभावकारी रूपमा अघि बढाउन नेतृत्वदायी भूमिका निर्वाह गर्न नसकेको निष्कर्षका साथ मन्त्रिपरिषद् उनीप्रति सन्तुष्ट छैन । प्रधानमन्त्री तथा मन्त्रिपरिषद् कार्यालयले उनलाई लिखित स्पष्टीकरण मागेको थियो । मन्त्रिपरिषदको बिहीबार बसेको बैठकले ज्ञवालीको स्पष्टीकरणको जवाफ चित्तबुझो नभएको निष्कर्ष निकाल्दै पुन: दोस्रोपटक २४ घण्टे स्पष्टीकरण सोधेको थियो ।

ज्ञवालीले दोस्रो स्पष्टीकरणको जवाफसमेत आइतबारै प्रधानमन्त्री तथा मन्त्रिपरिषद् कार्यालयलाई बुझाइसकेका छन् । मन्त्रिपरिषद्मा ज्ञवालीको दोस्रो स्पष्टीकरणको जवाफमाथि छलफल हुने र प्राधिकरणमा उनको भविष्यबारे निर्णय हुने जानकारी स्रोतले दिएको छ ।

प्रमुख सत्तारूढ दल कांग्रेसले प्राधिकरणको सीईओमा आफ्नो सिफारिसमा नियुक्त हुनुपर्ने दाबी गर्दै आएको छ । कांग्रेसले सीईओमा योजना आयोगका पूर्वउपाध्यक्ष गोविन्द पोखरेलको नाम अघि सारेको छ । पोखरेल केही समय प्राधिकरणको सीईओसमेत थिए । कान्तिपुर दैनिकमा खबर छ ।

प्रतिकृया लेख्नुहोस्:
Vianet
NTC MPoS
Sagarmatha Finance
Sajha Prakashan
Parbhu Bank
Promote your Business with us
Vianet
NTC MPoS
Sagarmatha Finance
Sajha Prakashan
Parbhu Bank
Promote your Business with us

विश्व More

जीवन शैली More

साहित्य More

स्वास्थ्य More

पत्रपत्रिकाबाट More

प्रवास More

default-addImage
default-addImage