scheduleमगलवार आश्विन २८ गते, २०७६

विश्वसाइकल यात्रीलाई फुकुओकामा सम्मान

टोकियो (जापान), १४ साउन । नेपालको परिचय संसारभर फैलाउने उद्देश्यले विश्वसाइकल यात्रामा निस्केका नेपाली दुई युवकलाई जापानको फुकुओकावासी नेपालीले बुधबार फुकुओकास्थित हाकातामा स्वागत र सम्मान गरेका छन् ।

world cyclist

विश्वसाइकल यात्री ताप्लेजुङका लोकबन्धु कार्की र काभे्रका जनार्दन खनाललाई फुकुओका नेपाली सोसाइटी, भेटघाट बचत तथा ऋण सहकारी, ओतोकु नेपाली समाज क्युस्यु, एनआरएन क्युस्यु समिति र नेपाली जनसम्पर्क समिति क्युस्युले संयुक्त रुपमा स्वागत तथा सम्मान गरेका हुन् । उनीहरुलाई पुष्पगुच्छा तथा खादा ओढाएर सम्मान गरिएको थियो ।

दक्षिण कोरिया र चीनको सीमाबाट दुई घन्टाको अन्तरमा रहेको फुकुओका टोकियोबाट पश्चिम तथा पाँचौं प्रसिद्ध बजार हो । सधैँजसो व्यस्त रहने हाकाताको ओहासी बजारमा चन्द्र र सूर्य अङ्कित नेपाली झन्डा र ढाका टोपी, कालो आस्कोट र दौरासुरुवालमा विश्वशान्तिका दूत गौतमबुद्धको तस्बिर अङ्कित नेपाल भएको सानो बोर्ड साइकलमा टाँगेर साइकल यात्रामा देखिँदा नेपालीवासी तथा सर्वसाधारण अचम्ममा परेका थिए ।

राजधानी टोकियोबाट नागोया, ओसाका हुँदै दुईसाताको अवधिमा फुकुओका पुगेका उनीहरु प्रवेशसँगै फुकुओकावासी नेपाली र त्यहाँका सर्वसाधारणले तस्बिर लिन सुरु गरेका थिए । यो निरन्तर बुधबार मध्यरातसम्म चलेको थियो । सन् २००४ डिसेम्बर ७ देखि यात्रा सुरु गरेका उनीहरुले हालसम्म ११६ मुलुकको यात्रा सम्पन्न गरिसकेका छन् । जापान ११७औँ भ्रमण मुलुक हो ।

उनीहरुले ताइवान, मकाउ, चाइना हुँदै जापान आएको र छिट्टै नै रसिया, युक्रेन हँुदै बाँकी मुलुकमा पुगेर सन् २०१७ मा विश्व भ्रमण सम्पन्न गर्ने बताएका छन् ।

Peoples Dental college
Nepali Patro
Parikalpana
Mountain Delight
Vianet
default-addImage
Loading...
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Peoples Dental college
Nepali Patro
Parikalpana
Mountain Delight
Vianet
default-addImage