scheduleसोमवार जेष्ठ १२ गते, २०७७

अनुदान पाउन योग्य तीन लाख भूकम्प प्रभावित घरधनीको सूची सार्वजनिक

काठमाडौं, १३ वैशाख । राष्ट्रिय पुनःनिर्माण प्राधिकरणले भूकम्पले पूर्ण रुपमा घर क्षति भएका ११ जिल्लाका ३८३ गाविसमा अनुदान पाउनयोग्य घरधनीको सूची सार्वजनिक गरेको छ ।

moneyतथ्याङ्क सङ्कलन गरी अनुदान पाउनयोग्य तीन लाख ९६१ घरधनीको सूची भूकम्प गएको एक वर्ष पुगेकै मितिमा सार्वजनिक भएको हो ।

सङ्घीय मामिला तथा स्थानीय विकास मन्त्रालयको केन्द्रीय आयोजना कार्यान्वयन इकाईमार्फत अनुदान पाउनयोग्य घरधनीको नाम सूची सम्बन्धित जिल्ला विकास समितिको कार्यालयमा पठाइएको प्राधिकरणका प्रवक्ता रामप्रसाद थपलियाले जानकारी दिए ।

Dish_Home

उनका अनुसार अनुदान पाउनयोग्य घरधनीको सङ्ख्या ओखलढुङ्गा १५ हजार पाँच, सिन्धुली २१ हजार ११४, रामेछाप ३० हजार ५१९, दोलखा ४९ हजार ७५१, सिन्धुपाल्चोक ३५ हजार ३०८, काभे्रपलाञ्चोक ४० हजार २६४, नुवाकोट ३८ हजार २३५, रसुवा पाँच हजार ४१७, धादिङ २३ हजार ४४०, मकवानपुर सात हजार ४१२ र गोरखामा ३४ हजार ४९६ छ ।

तथ्याङ्क सङ्कलनको बाँकी विवरण प्राप्त भएपछि अनुदान सम्झौताका लागि योग्य अन्य घरधनीको सूची पनि क्रमशः सार्वजनिक गर्दै लगिने प्राधिकरणले जनाएको छ ।

गत वर्ष वैशाख १२ र २९ गतेको भूकम्प एवम् पटक–पटकको परकम्पले करिब आठ लाख घर पूर्ण रुपमा क्षति भएको थियो । अनुदान सम्झौता भएपछि सरकारले तीन किस्तामा क्रमशः ५० हजार, ८० हजार र ७० हजार गरी दुई लाख भूकम्पपीडितलाई रकम वितरण गर्नेछ । रासस

default-addImage
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय