scheduleशनिवार आश्विन ४ गते, २०७६

ब्राउन सुगरसहित दुई भारतीय पक्राउ

भीमदत्तनगर, १५ फागुन । प्रहरीको प्रदेश नं ७ बाट खटिएको क्षेत्रीय अनुसन्धान ब्यूरोको टोलीले आज कैलालीको धनगढी उपमहानगरपालिका–४ बाट ३५ ग्राम लागुऔषध ब्राउन सुगरसहित दुई भारतीय युवकलाई पक्राउ गरेको छ ।

ब्यूरोमा कार्यरत प्रहरी सहायक निरीक्षक केशव जोशीले विशेष सूचनाका आधारमा ब्राउनसुगरसहित भारतको उत्तर प्रदेश लखिमपुर गिरीका ३० वर्षीय सागर चौधरी र ३५ वर्षीय धर्मसिंह रानालाई धनगढीको शिवपुरीधाम परिसरबाट पक्राउ गरेको जानकारी दिए ।

पक्राउ परेका अभियुक्त भारतीय युवक लामो समयदेखि यहाँका विभिन्न शहरमा लुकिछिपी लागुऔषध बिक्रीवितरणमा सक्रिय देखिएको ब्यूरोले जनाएको छ । अभियुक्तलाई ब्यूरोले थप अनुसन्धान र कारबाहीका लागि जिल्ला प्रहरी कार्यालय कैलालीको जिम्मा लगाएको छ ।

त्यसैगरी आज नै कञ्चनपुरको पुनर्वासबाट दुई युवायुवती ५.५९० मिलिग्राम खैरो हिरोइन जस्तो खैरो पदार्थसहित पक्राउ गरेको जिल्ला प्रहरी कार्यालय कञ्चनपुरले जनाएको छ ।

इलाका प्रहरी कार्यालय त्रिभुवनबस्तीबाट खटिएको प्रहरी टोलीले पुनर्वास–११ अमरबस्तीस्थित डोकेबजार–बेलौरी सडकखण्डको बौद्धगुम्बा नजिकैबाट खैरो शंकास्पद पदार्थसहित दुई जनालाई पक्राउ गरेको हो ।

पक्राउ पर्नेमा कैलालीको जोशीपुर नगरपालिका–८ का २६ वर्षीय तपेन्द्र बम र कञ्चनपुरको पुनर्वास–११ का २० वर्षीया सपना चौधरी रहेको प्रहरीले जनाएको छ । पक्राउ परेका अभियुक्तमाथि अनुसन्धान भइरहेको प्रहरीले जनाएको छ । रासस

Loading...
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Nepali Patro
Vianet
default-addImage