scheduleआइतवार मंसिर २९ गते, २०७६
Bajaj
Global IME

बजेटबारे बाबुरामको विचार- आर्थिक समृद्धिमा जोद दिने सबै एकठाउँमा उभिनुपर्छ

काठमाडौं, २७ वैशाख । पूर्वप्रधानमन्त्री एवं नयाँ शक्ति पार्टी नेपालका संयोजक डा. बाबुराम भट्टराईले आज संघीय संसद्मा प्रिबजेटमाथिको छलफलमा भाग लिएर आफ्नो सुझाव प्रस्तुत गरेका छन् ।

अर्थमन्त्री डा. युवराज खतिवडाले संसदमा प्रस्तुत गरेको विनियोजन विधेयक-२०७५ माथिको सिद्धान्त र प्राथमिकताबारे आफ्ना भनाई राख्नु अगाडि डा.भट्टराईले पृथ्वीनारायण शाहदेखि भीमसेन थापासम्मलाई सम्झिए । उनले पृथ्वीनारायण शाहदेखि भीमसेन थापासम्मको कालखण्डलाई नेपालको पहिलो कालखण्ड भन्दै त्यो समयबाट अहिलेसम्म दोस्रो कालखण्ड सकिएको र अब तेस्रो कालखण्ड शुरु भएको बताए ।

उनले अबको कालखण्ड आर्थिक समृद्धिको कालखण्ड रहेको भन्दै जुनसुकै विचारधारा बोकेपनि आर्थिक समृद्धिको एजेण्डामा सबै एकै ठाउँमा उभिनुपर्ने र नेपाललाई समृद्ध बनाउन लाग्नुपर्ने उनले बताए ।

उनले बजेटबारे बोल्नु अगाडि संसदलाई लोकतन्त्रको उत्कृष्ट अभ्यास गर्ने थलो बनाउन आग्रह गरे ।

प्रिबजेटमाथि बोल्दै उनले यो खास अवस्थामा पेश गर्न लागिएको बजेट भएकाले भौतिक र सामाजिक पूर्वाधारको विकासमा जोड दिनुपर्ने बताए । संसदमा उनले भने, ‘अबको बजेट हिजोको निरन्तरतामा होइन, यो क्रमभंगको बजेट हो । विकास र समृद्धिको चरणबाट देशलाई समाजवादतर्फ लैजाने बजेट प्रस्तुत हुँदैछ । बजेटमा कुन कुरामा प्राथमिकता आएको भन्ने छुट्याउनुपर्‍यो ।

उनले भने, ‘यसमा सबै कुरा छन् । तर कहाँ के कुरा र कुन कुरामा फोकस हो भन्ने मैले भेग पाउन सकेको छैन ।’  बजेट सबैलाई खुसी पार्नुभन्दा प्राथमिकता छुट्याउनुपर्ने उनले बताए ।

राणाकाल र पञ्चायतकालमा पनि केहि विकास भएको उल्लेख गर्दै उनले अब कछुवा गतीको विकास होईन, फड्काे  हान्ने विकास चाहिएको उल्लेख गरे । अबको बजेट त्यतातर्फ केन्द्रीत हुनुपर्ने उनले बताए ।

वैज्ञानिक र वास्तविक पुँजीवादको जगमा मात्रै समाजवाद आउनसक्छ भन्दै उनले भने,  ‘अब औधोगिक र उत्पादनशील पुँजीवादबाट समाजवाद प्राप्त गर्ने लक्ष्यतर्फ जानुपर्छ ।’

भट्टराईले भौतिक पूर्वाधार रेल, सडक, जल यातायात, जलविद्युत र एयरपोर्ट निर्माणमा जोड दिन आग्रह गरे । उनले पूर्वपश्चिम रेलमार्ग, मध्यपहाडी लोकमार्ग, हुलाकी राजमार्ग, पोखरा अन्तर्राष्ट्रिय विमानस्थल तथा जलविद्युत् आयोजनाहरु निर्माणलाई प्राथमिकता दिन आग्रह गरे ।

यस्तै समाजिक पूर्वाधार अन्तर्गत शिक्षा क्षेत्र विकासलाई जोड दिन आग्रह गर्दै ७ सय ५३ वटा स्थानीय तहमा प्राविधिक शिक्षालय खोल्ने योजना अघि बढाउन भट्टराईले जोड दिए । उनले भने,  ‘प्राविधिक जनशक्ति नभई देश बन्दैन, पूर्वाधार पछि शिक्षालाई जोड दिनुपर्छ । यसले नै देशलाई समृद्वितर्फ लैजान्छ ।’

भट्टराईले कृषि क्षेत्रको विकासका लागि ठूला नदीहरुबाट मेगा प्रोजेक्टमारुपमा सिंचाई योजनालाई अघि बढाउनुपर्ने बताए । सिंचाइ र कृषिको विकासले नै देशमा क्रान्ति आउने उनले बताए । त्यसैगरी पर्यटन, उद्योग र स्वरोजगारको विकासका लागि पनि बजेटले सम्बोधन गर्नुपर्ने उनले बताए ।

उनले पटक पटक जाेड दिंदै भने, ‘अर्थमन्त्रीले सबैलाई खुसी पार्ने गरी वितरणमुखी ढंगले बजेट नल्याई मुख्य प्राथकिता क्षेत्र तोकेर बजेट निर्माण गर्नुपर्छ ।’

IME
Century Bank
Peoples Dental college
Nepali Patro
Nabil Bank
Vianet
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

IME
Century Bank
Peoples Dental college
Nepali Patro
Nabil Bank
Vianet
default-addImage