scheduleमगलवार कार्तिक ४ गते, २०७७

व्यवसायमैत्री ऐन कानून निर्माण गरिदिन कानूनमन्त्रीसँग निर्माण व्यवसायीको आग्रह

काठमाडौं, २६ असार । नेपाल निर्माण व्यवसायी महासंघले व्यवसायी मैत्री ऐन कानून निर्माणका लागि पहल गरिदिन कानूनमन्त्री शेरबहादुर तामाङ समक्ष आग्रह गरेको छ । महासंघ अध्यक्ष विष्णुभाइ श्रेष्ठ नेतृत्वको प्रतिनिधिमण्डलले मन्त्री तामाङलाई भेटी व्यवसायमैत्री ऐन कानूनको अभावमा व्यवसायीहरुले भोग्नु परेका समस्याका बारेमा जानकारी गराएको छ ।

व्यवसायीहरुको समस्या स्थायी रुपमा सम्बोधन हुनेगरी यथाशीघ्र सार्वजनिक खरिद ऐन तथा नियमावली संशोधनका लागि पहल गर्न मन्त्री तामाङ समक्ष आग्रह गरिएको अध्यक्ष श्रेष्ठले बताए । प्रतिनिधिमण्डलमा अध्यक्ष श्रेष्ठसँगै महासचिव रामशरण देउजा, सदस्य शिव चौलागाई, महासंघका जनसम्पर्क अधिकृत रामचन्द्र गिरी लगायत सहभागी थिए ।

यसैबीच महासंघका उपाध्यक्ष पेम्वा लामा शेर्पाको विरुवा कन्स्ट्रक्सन कम्पनीले जिम्मा पाएको जोमसोम कोरलानाका–अपरमुस्ताङ, तामखोला सडक खण्डको निर्माण कार्यमा संलग्न २० मजदुरको ट्रिपर दुर्घटनामा निधन भएकोेमा महासंघले गहिरो दुख व्यक्त गरेको छ । विज्ञप्ति जारी गर्दै महासंघले मुस्ताङको लोघेकर दामोदरकुण्ड गाउँपालिका–३ स्याङ्बोचेमा भएको उक्त दुर्घटनामा परी घाइते भएका १२ जनाको शिघ्र स्वास्थ्य लाभको लागि कामना गरेको छ । अकल्पनीय र काबु बाहिरको परिस्थितिमा भएको यस घटनालाई भवितब्य ठान्दै महासंघले घाइतेहरुको उचित उपचारको व्यवस्थाको लागि आ–आफ्नो ठाँउबाट सहयोग गरिदिन स्थानीय निकाय, ट्रेड यूनियनहरु, आयोजना कार्यालय, स्थानीय प्रहरी र सम्बन्धीत निर्माण ब्यबसायी सबैलाई अनुरोध गरेको छ । साथै मृतकका परिवारलाई क्षतिपूर्ति उपलब्ध गराउन पनि विज्ञप्तिमा माग गरिएको छ ।

प्रतिकृया लेख्नुहोस्:
Prabhu_specian_saving
IME_Pay
Global IME

सम्बन्धित शीर्षकहरु

आजको लोकप्रिय

Mega_Bank
Ime_Pay