scheduleशुक्रवार भाद्र ६ गते, २०७६

अन्तराष्ट्रिय नाटक महोत्सवको तयारी तीव्र, तीन देशका ८ नाटक प्रदर्शित हुने


पोखरा, ११ फागुन । पोखरामा फागुन १५ गतेदेखि आयोजना गरिने पोखरा अन्तराष्ट्रिय नाटक महोत्सव २०७५ को तयारी तीव्र पारिएको छ । पोखरामा क्रियाशील दुई नाट्य संस्था पोखरा थिएटर र युथ क्रियशन थिएटरको संयोजनमा आयोजना हुने यो नाटक महोत्सवलाई भव्य बनाउन दुवै संस्थाले तयारीलाई तीव्र पारेका हुन् ।

महोत्सव फागुन २२ गतेसम्म पोखरा थिएटरको गन्धर्व नाटकघर ग्रैहापाटनमा चल्नेछ । महोत्सवमा मेसेडोनिया, भारत र नेपालका गरी ८ वटा नाटक मञ्चन हुनेछ ।

यसरी मञ्चन हुने नाटकमा भारतको ब्लाक एण्ड ह्वाइट र इन ट्रान्जीट, मेसेडोनियाको प्राइभेट कन्फेन्सन, नेपालका मेमोरी यार्ड, गैडा टाइम्स, कन्फेसन, निरमाया र घेरो रहने छन् ।

महोत्सवमा नाटक मञ्चनका अतिरिक्त सांस्कृतिक झाँकीहरु, फोटो प्रर्दशनी, दैनिक अन्तर्क्रिया लगायतका कार्यक्रम समेत गरिने महोत्सव निर्देशक परिवर्तनले जनाए । महोत्सवले नेपाली रंगमञ्चिय कला र संस्कृतिलाई जगेर्ना गर्दै सांस्कृतिक पर्यटनको माध्यमबाट संसारभर फैलाउन सहयोग पुर्‍याउने विश्वास आयोजकको छ । हरेक दिन अपरान्ह पौने ५ बजे नाटक मञ्चन गरिनेछ ।

महोत्सवको उद्घाटनको दिनमा झाँकीसहितको र्‍याली निकालिने युथ क्रियशन थिएटरका सचिव सौगात पोखरेलल जनाए । महोत्सवको उद्घाटन गण्डकी प्रदेशका मुख्यमन्त्री पृथ्वीसुब्बा गुरुङले गर्नेछन् । महोत्सवमा मञ्चन हुने ८ वटै नाटक हेर्न एक हजार शुल्क तिरेर फेस्टिभल मेम्बरसिप कार्ड लिन सक्नेछन् । नाटक मञ्चनका अलावा विभिन्न सेसन मार्फत् मञ्चन भएका नाटकका कलाकार तथा निर्देशकसँग छलफल हुँदा पोखरा नाटकमय बन्ने आयोजकको अपेक्षा छ ।

कार्यक्रमलाई भव्य बनाउन विभिन्न व्यक्ति, संस्थासँग छलफल समेत गरिरहेकोले कार्यक्रम भव्य हुने विश्वास आयोजकको छ । नाटक हेर्नका लागि अग्रीम टिकट बुकिङ गर्न समेत आयोजकले नाट्यप्रेमीसँग आग्रह गरेका छन् ।

Loading...
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Vianet
default-addImage