scheduleसोमवार चैत्र १७ गते, २०७६

दरवन्दी अनुसारको स्वास्थ्यकर्मी नहुँदा समस्या

तेह्रथुम, २२ वैशाख । जिल्ला आयुर्वेद अस्पतालमा दरवन्दी अनुसारको स्वास्थ्यकर्मी नहुँदा बिरामीलाई समस्या भएको छ । पछिल्लो समय आयुर्वेद उपचारका लागि बिरामीहरु जान थालेपनि स्वास्थ्यकर्मी नहुँदा भने समस्या भएको हो । आयुर्वेद पद्धतीबाट उपचार गराउदा रोग चाँडो निको हुने, बल्झीने समस्या र अन्य प्रभाव समेत नहुने भन्दै बिरामी त्यसतर्फ आकर्षित हुँदै गएका छन् ।

विभिन्न ३० प्रकारका रोगको उपचार गर्दै आएको जिल्ला आयुर्वेद औषधालय तेह्रथुममा दैनिक २५ जना भन्दा बढी बिरामी उपचारका लागि आउने गर्छन् । तर दरवन्दी अनुसारका डाक्टर, कवीराज र वैद्य नहुँदा उपचारमा समस्या भएको कार्यालय प्रमुख डाक्टर राजकुमार मिश्रले बताए ।

Dish_Home

स्वासप्रश्वास, दम, अमलपित्त, ग्याष्ट्रिक, मधुमेह, जण्डिस, रक्तचाप, वाथ, छालाजन्य रोग, मुत्रजन्य रोग, नाक, कान, घाँटी, पायल्स्, पिनास, हातखुट्टाका जोर्नी दुख्ने लगायतका रोगबाट प्रभावित बिरामीले आयुर्वेदिक उपचार पद्धती रोज्ने गरेका डाक्टर मिश्रले बताए । सात जना आयुर्वेद स्वास्थ्यकर्मीको दरवन्दी रहेको जिल्ला आयुर्वेद औषधालयमा लामो समय देखी एकजना डाक्टर र एक जना कवीराज मात्रै काम गरिरहेका छन् ।

default-addImage
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय