scheduleआइतवार मंसिर २९ गते, २०७६
Bajaj
Global IME

बजेटले गियर बदल्छ, एक वर्षमा नै देखिने गरी परिवर्तन आउँछः प्रम ओली


काठमाडौं, ६ जेठ । प्रधानमन्त्री केपी शर्मा ओलीले आउँदो एक वर्षमा देशको विकासमा देखिने गरी परिवर्तन आउने दावी गरेका छन् । साेमबार धादिङको गल्छीमा मध्यपहाडी लोकमार्गमा अप्टिकल फाइबर नेटवर्कको शिलान्यास गर्दै उनले आउँदो वर्ष देशमा धेरै परिवर्तन देखिने बताएका हुन् ।

‘एकवर्षमा कति फरक भयो, अर्काे वर्ष हेर्नुस्, कति फरक हुन्छ’ प्रधानमन्त्री ओलीले भने, ‘सरकारले राम्रो काम गरेपछि जनतामा भ्रम सिर्जना गर्ने कोशिस भइरहेको छ ।’

प्रधानमन्त्री ओलीले सरकारको विरोध गर्नेहरु गणतन्त्रको विरोधी रहेको आरोप लगाए । नेपाल सानो देश भनेर आफैलाई अवमूल्यन गर्न नहुने भन्दै प्रधानमन्त्री ओलीले नेपालले अन्तराष्ट्रिय मञ्चहरुमा आफ्नो अनुभव बाँड्नुपर्ने धारणा राखे ।

प्रधानमन्त्री केपी शर्मा ओलीले आगामी बर्षको बजेटले देश विकासको गियर बढाउने जिकिर समेत गरे । ‘जेठ १५ मा आगामी आर्थिक बर्षको बजेट प्रस्तुत हुन्छ,’ उनले भने, ‘यसले देश विकासको गियर परिवर्तन गर्छ । देश विकासको गति दुई गियरमा छ भने तीनमा पुर्‍याउँछ। तीनमा छ भने चारमा पुर्‍याउँछ ।’

‘हामी देशलाई विकासमा हरेक दिन एक कदम अघि बढाउन चाहन्छौं,’ प्रधानमन्त्री ओलीले भने, ‘सुचना महामार्गको शिलान्यासले विकासमा एक कदम थपेको छ।’

IME
Century Bank
Peoples Dental college
Nepali Patro
Nabil Bank
Vianet
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

IME
Century Bank
Peoples Dental college
Nepali Patro
Nabil Bank
Vianet
default-addImage