scheduleबिहिवार आषाढ़ ५ गते, २०७६

सातै प्रदेशमा पर्यटन प्रवर्द्धन समिति गठन


काठमाडौं, २८ जेठ । सरकारले नेपाल भ्रमण वर्ष २०२० लाई प्रभावकारी बनाउन प्रदेशस्तरीय पर्यटन प्रवर्द्धन समिति गठन गरेको छ ।

भ्रमण वर्ष अभियान सञ्चालनका लागि सम्बन्धित प्रदेशका मुख्यमन्त्री संरक्षक, उद्योग, पर्यटन, वन तथा वातावरणमन्त्री अध्यक्ष रहने गरी (प्रधानमन्त्री एवम् संस्कृति, पर्यटन तथा नागरिक उड्डयन मन्त्रिस्तर) को निर्णयबाट सातै प्रदेशमा भ्रमण वर्ष प्रदेश समन्वय समिति गठन गरिएको पर्यटन मन्त्रालयले विज्ञप्तिमार्फत जनाएको छ ।

समितिमा सम्बन्धित प्रदेशको उद्योग, पर्यटन, वन तथा वातावरण मन्त्रालयका सचिव सदस्यसचिव तथा पर्यटनसम्बन्धी निजी क्षेत्रबाट प्रादेशिक कार्यक्रम संयोजक र सदस्यहरू रहने गरी सात वटै प्रदेशमा समिति गठन गरिएको हो ।

भ्रमण वर्षसम्बन्धी कार्यक्रम सञ्चालन गर्न प्रदेशको आवश्यकताअनुरुप सदस्यहरु थपघट हुने छ । पर्यटन प्रवर्द्धन समितिअन्तर्गत प्रदेश नं १ मा १७, प्रदेश नं २ मा १९, गण्डकी प्रदेशमा २२, प्रदेश नं ५ मा २६, कर्णाली प्रदेशमा १६ र सुदूरपश्चिम प्रदेशमा १८ सदस्यीय समिति गठन गरिएको विज्ञप्तिमा उल्लेख छ ।

नेपाललाई विश्व पर्यटन बजारमा गुणस्तरीय पर्यटन गन्तव्यका रूपमा विकास गर्दै सन् २०२० मा कम्तिमा २० लाख पर्यटक भित्र्याउन, प्रतिपर्यटक खर्च दर बढाउन र पर्यटकको बसाइ अनुभवलाई थप सुखद बनाउन गुणात्मक रूपले सघाउ प¥याउन सरकारले नेपाल भ्रमण वर्ष २०२० अभियान घोषणा गरेको छ ।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Vianet
Sajhajob