scheduleसोमवार आश्विन ६ गते, २०७६

राष्ट्रिय श्रम तथा रोजगार सम्मेलन–२०७६ आजबाट सुरु

काठमाडौं, १५ असार । श्रम सम्बन्धको विस्तार गर्दै स्वदेशमै रोजगारीका अपार सम्भावना पहिल्याउन नेपालमा पहिलोपटक राष्ट्रिय श्रम तथा रोजगार सम्मेलन–२०७६ आज सुरु हुँदैछ । पाँच वर्षभित्र बाध्यकारी वैदेशिक रोजगारी अन्त्य गर्ने लक्ष्य लिएको सरकारले नेपाली श्रम बजारमा रोजगारीको सम्भावना, रोजगारी र श्रमिकको माग तथा आपूर्तिको विश्लेषण गर्ने उद्देश्यले सम्मेलनको आयोजना गर्न लागेको हो ।

काठमाडौंमा आयोजना हुन लागेको सम्मेलन दुई दिनसम्म चल्ने छ । श्रम बजारको आवश्यकता र श्रम शक्तिको सीपको अवस्थाको विश्लेषण गरी समस्या समाधानका उपाय खोजी गर्ने उद्देश्यले सम्मेलनको आयोजना गर्न लागिएको श्रम, रोजगार तथा सामाजिक सुरक्षा मन्त्रालयले जनाएको छ । सम्मेलन दुई प्रकारको ढाँचामा सञ्चालन गरिनेछ ।

सम्मेलनका क्रममा प्राविधिक सत्रमा कार्यपत्र प्रस्तुति र छलफल हुनेछ । त्यसैगरी सम्मेलनको दौरान सीप तथा उद्यमको प्रदर्शनी गरिनेछ । विभिन्न समूहगत क्षेत्रमा आधारित रहेर विज्ञले तथ्य, तथ्याङ्क तथा प्रवृत्ति विश्लेषणसहितको कार्यपत्र प्रस्तुत गर्नेछन् ।

सम्मेलनको उद्घाटन प्रधानमन्त्री केपीशर्मा ओलीले एक कार्यक्रमकाबीच गर्नेछन् ।

Loading...
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Nepali Patro
Vianet
default-addImage