scheduleबुधवार श्रावण ८ गते, २०७६

विषादीयुक्त तरकारी खाँदा ४५ जना बिरामी, आमा समूह प्रशासनमा


पर्वत, २६ असार । विषादीयुक्त तरकारीको सेवनले ४५ जना बिरामी परेको भन्दै ग्रामिण आमा समूह कुस्मा नगरपालिका ७ खरेहा पर्वतले जिल्ला प्रशासन कार्यलय पर्वतमा ज्ञापनपत्र बुझाएको छ ।

गत असार ९ गते स्थानीय विक्रम पौडेलको बिहेको भोज खाने कार्यक्रमा विभिन्न खानेकुरा खाँदा बिरामी परेको भन्दै आज प्रमुख जिल्ला अधिकारी कल्पना घिमिरेलाई ज्ञापनपत्र बुझाइएको हो ।

पौडेलको घरमा बनेका पुरी, करेला, आलु, काउलीको तरकारी, काँक्राको अचार खाएपछि स्थानीय बिरामी परेका ज्ञापन पत्रमा उल्लेख गरिएको छ । भोज खाएपछि स्थानीयलाई टाउको दुख्ने, रिङ्गटा लाग्ने, पेट दुख्ने, पखाला लाग्ने लगायतका समस्या देखिएको स्थानीय दिपसागर पौडेलले बताए ।

खानामा विषादी भएकै कारण स्थानीय विरामी परेको अनमान गर्दै विषाक्त तरकारीले मानव स्वास्थ्यमा खेलवाड नगर्नका लागि सम्बन्धित पक्षलाई सजग गराउनका लागि प्रशासन कार्यलयमा ज्ञापनपत्र बुझाइएको स्थानीय तेज गिरीले जानकारी दिए ।

यसैगरी आगामी दिनमा यस्ता घटना दोहोरिन नदिनका लागि सम्बन्धित पक्ष र निकायलाई सचेत गराउन पनि ज्ञापन पत्र बुझाइउको उनले बताए । ज्ञापनपत्र बुझ्दै प्रजिअ घिमिरेले बजार अनुगमन गर्ने र बिषाक्त तरकारी तथा फलफूल वितरण गर्नेलाई आवश्यक कारवार्ही गर्ने आश्वासन दिएकी छिन् ।

Loading...
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Vianet
Sajhajob