scheduleबुधवार मंसिर २५ गते, २०७६
Bajaj
Global IME

जग्गा लिजमा लिन्छ तर, भाडा तिर्दैन भारत

धरान, २९ साउन । भारतले कोसी सम्झौता अनुसार लिजमा लिएको सप्तकोसी किनारस्थित नेपाली जमिनको कर तिर्न अटेर गरेको छ। सप्तकोसी नदीमा ब्यारेज बनाउन गरेको सम्झौता अनुसार भारत सरकारले लिजमा लिएको सुनसरी, उदयपुर र सप्तरी जिल्लामा रहेको हजारौं बिघा जमिनको कर तिर्न अटेर गरेको हो।

भारतले कोसी सम्झौता अनुसार सप्तकोसीमा ब्यारेज बनेयता बाढीबाट विस्थापित भएका हजारौ घरपरिवारको क्षतिपूर्ति रकमसमेत नदिए पछि बाढीपीडितको बिचल्ली भएको छ। भारतले तिर्नुपर्ने कर र क्षतिपूर्ति दिलाउनका लागि नेपाल सरकारले हाल सम्म कुनै पहल नगरेको स्थानीयको गुनासो छ।

भारतले १३ हजार ३ सय ३७ बिघा जमिन लिजमा लिएको थियो। तर हालसम्म धेरै जमिनको भूमि कर तिरेको छैन। भारतले लिजमा लिएको पूर्वी तटबन्धन, पश्चिम तटबन्धन, पश्चिम नहर क्षेत्रको जमिनको कर तिर्न बाँकी रहेको छ।

सुनसरीको बराह नगरपालिकाका मेयर निलम खनालले कोसी सम्झौता अनुसार भारतले हाल सम्म नगरपालिकालाई तिर्नुपर्ने कर नतिरेको बताए। उनले नगरपालिकाका करिब २ हजार भन्दा बढी घरपरिवार उठिबास हुँदा समेत उचित क्षतिपूर्ति नदिएका कारण बाढीपीडितको बिचल्ली भएको बताए। भारतले कोसी तटबन्ध निर्माण गर्दा प्रयोग गरेको ढुँगा, गिट्टी र बालुवा निकासी गर्दा समेत लाग्ने कर नतिरेको मेयर खनालले बताए । अन्नपूर्ण पोस्ट दैनिकमा रत्नप्रसाद आचार्यले खबर लेखेका छन् ।

IME
Century Bank
Peoples Dental college
Nepali Patro
Nabil Bank
Vianet
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

IME
Century Bank
Peoples Dental college
Nepali Patro
Nabil Bank
Vianet
default-addImage