scheduleशनिवार आश्विन ४ गते, २०७६

वर्षेनी १ हजार चिनियाँ विद्यार्थी आयुर्वेद र योग अध्ययन गर्न नेपाल आउने

काठमाडौं, ४ भदौ । चीनले योग, प्राकृतिक चिकित्सा, आयुर्वेद तथा जडिबुटी सम्बन्धी अध्ययन गर्न आफ्ना देशका विद्यार्थीलाई नेपाल पठाउन तयार भएको छ ।

चीन सरकारले वार्षिक १ हजार विद्यार्थीलाई योग, प्राकृतिक चिकित्सा, आयुर्वेद तथा जडिबुटीसम्बन्धी अध्ययन गर्न नेपाल पठाउन लागेको हो । शिक्षा, विज्ञान तथा प्रविधि मन्त्रालले योग, प्राकृतिक चिकित्सा, आयुर्वेद तथा जडिबुटी सम्बन्धी नयाँ पाठ्यक्रम बनाएपछि चीन सरकारले आफ्ना विद्यार्थीलाई योग शिक्षा अध्ययनका लागि नेपाल पठाउने इच्छा व्यक्त गरेको हो ।

बुधबार शिक्षामन्त्री गिरिराजमणी पोखरेल तथा बेइजिङ नर्मल युनिभर्सिटीका प्रोफेसर प्रो. लिउ सिआओबीच भएको भेटमा  थिङले योग शिक्षा अध्ययन गर्न नेपाल उपयुक्त मुलुक भएकोले विद्यार्थी पठाउन तयार रहेको बताएका थिए ।

भेटमा शिक्षामन्त्री पोखरेलले योग, प्राकृतिक चिकित्सा, आयुर्वेद तथा जडिबुटी पाठ्यक्रम आफ्नो चासोको विषय भएकोले तुरुन्तै आवश्यक छलफल र तयारी गरि पाठ्यक्रम लागू गर्ने बताए ।मन्त्री पोखरेलले योग, प्राकृतिक चिकित्सा, आयुर्वेद तथा जडिबुटी विषय देशको अहिलेको आवश्यकताको भएको भन्दै गुणस्तरीय शिक्षा दिने विश्वास दिलाए ।

काठमाडौंमा मंगलबारदेखि जारी मार्क्सवाद र एसियाली दर्शन अन्तराष्ट्रिय सम्मेलनमा सहभागी हुन प्रोफेसर थिङ नेपाल आएका हुन् ।

 

Loading...
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Nepali Patro
Vianet
default-addImage