scheduleमगलवार आश्विन २८ गते, २०७६

म अन्तर्राष्ट्रिय विमानस्थलको विरोधी हैनः मन्त्री यादव


सिमरा, १० असोज । प्रदेश २ का पर्यटनमन्त्री रामनरेश राय यादवले मिडियामा आएजस्तो आफू विमानस्थल विरोधी नरहेको स्पष्टीकरण दिएका छन् । विश्व पर्यटन दिवसको अवसरमा शुक्रबार सिमरामा आयोजित कार्यक्रममा सहभागी हुन आएका मन्त्री यादवले बारामा बन्न लागेको विमानस्थलको विरोधमा आफू नरहेको स्पष्ट पारेका हुन् ।

‘अन्तर्राष्टिय विमानस्थल प्रदेश २ को भूमिमा बन्नु आफैमा गौरवको विषय हो,’ मन्त्री यादवले भने, ‘संघीय सरकार र प्रदेश सरकारबीच समन्वय हुनुपर्छ भन्ने मात्रै मेरो भनाई हो ।’

उनले अगाडि थपे, ‘मैले विमानस्थल बन्नु हुँदैन र रुख काट्न दिन्न भनेर कतै भनेको छैन । मिडियामा आउँदा त्रुटी भएको हुनसक्छ, संघीय सरकारले हामीसँग समन्वय गरेन र विमानस्थलको नाममा अनावश्यक रुख काट्नु हुँदैन् मात्रै भनेको हुँ । विमानस्थलको नाममा व्यापार गर्नु हुँदैन। कम रुख कटान गरेर विमानस्थल बनाउँदा कुनै आपत्ति छैन ।’

मन्त्री यादवले आवश्यकताअनुसार रुख कटान गरी विमानस्थल बनाउन सकिने भएपनि त्यसका लागि प्रदेश सरकारसँग समन्वय गर्न भने जरुरी रहेकोमा जोड दिए । ‘संघीय सरकारले प्रदेश सरकारसँग समन्वय नगर्नु दुःखद् पक्ष रहेको छ,’ उनले भने, ‘राष्ट्रिय वन क्षेत्रको अधिकार अहिले प्रदेश सरकारको मातहतमा रहेको छ । तर यही प्रदेशभित्र विमानस्थल बनाउँदा प्रदेश सरकारसँग समन्वय गरिएको छैन् ।’

उनले प्रदेश सरकार पनि विमानस्थलकै पक्षमा रहे पनि समन्वयको अभाव रहेकोमा भने जोड दिए ।

Peoples Dental college
Nepali Patro
Parikalpana
Mountain Delight
Vianet
default-addImage
Loading...
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Peoples Dental college
Nepali Patro
Parikalpana
Mountain Delight
Vianet
default-addImage