scheduleआइतवार कार्तिक ३ गते, २०७६

महराको मुटु र स्वासप्रस्वासमा समस्या

फाइल फोटो

काठमाडौँ, २३ असोज  ।  यौन दुर्व्यवहारको आरोप लागेका निवर्तमान सभामुख कृष्णबहादुर महराको मुटु र स्वासप्रस्वासमा समस्या देखिएको छ । बलात्कार प्रयासको आरोपमा पक्राउ परेका महरालाई थापाथलीस्थित नर्भिक अन्तर्राष्ट्रिय अस्पतालमा भर्ना गरिएको छ ।

नियमित स्वास्थ्य परिक्षणका लागि अस्पताल पुर्‍याइएका महराको स्वास्थ्य परिक्षण पश्चात अस्पताल नै भर्ना गर्नुपर्ने अवस्था देखिएको हो  ।

महानगरीय प्रहरी परिसरका प्रवक्ता डीएसपी होबिन्द्र बोगटीले भने- ‘उपचारमा स‌ंलग्न चिकित्सकले नै भर्ना गर्नुपर्छ भनेपछि अस्पताल भर्ना गरिएको हो ।’
महराको पक्राउ परेको दिनदेखि नै रक्तचाप अनियन्त्रित भएको थियो भने स्वासप्रस्वासमा पनि केही समस्यादेखिएको थियो ।

संसद् सचिवालयमा कार्यरत कर्मचारी रोशनी शाहीले शनिबार महानगरीय प्रहरी वृत्त बानेश्वरमा आफूमाथि महराले बलात्कार प्रयास गरेको भन्दै किटानी जाहेरी दिएपछि महरालाई पक्राउ गरेर अनुसन्धान अघि बढाउन प्रहरीलाई बाटो खुलेको हो ।

 

Peoples Dental college
Nepali Patro
Parikalpana
Mountain Delight
Vianet
default-addImage
Loading...
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

Peoples Dental college
Nepali Patro
Parikalpana
Mountain Delight
Vianet
default-addImage