scheduleसोमवार मंसिर २ गते, २०७६

नर्थ क्यारोलाइनामा महाकवि देवकोटा जयन्ति

नर्थ क्यारोलाइना, ११ कात्तिक । नर्थक्याराेलाइना माेरिस्भिल अमेरिकामा अन्तर्राष्ट्रिय नेपाली साहित्य समाज नर्थक्याराेलाइना च्याप्टर तथा नर्थ क्याराेलाइना नेपाली साहित्य समाजको आयोजना तथा वरिष्ठ साहित्यकार शैलेन्द्र साकारको प्रमुख आतिथ्यमा महाकवि देवकाेटाकाे १११ औं जन्मजयन्ती सम्पन्न भएको छ ।

अन्तर्राष्ट्रिय नेपाली साहित्य समाज नर्थक्याराेलाइना च्यापटरका अध्यक्ष शिखर दुलालको अध्यक्षता र च्याप्टरका उपाध्यक्ष शिशिर खनालको उद्घोषणमा संचालन गरिएको कार्यक्रममा संस्थाकी महासचिव निर्मला राजभण्डारीले उपस्थित सबैलाई स्वागत गरेका थिए । कार्यक्रमका प्रमुख अतिथि शैलेन्द्र साकारले पानस प्रज्वलन गरी सुरु गरेको कार्यक्रममा उपस्थित अतिथिहरुले देवकाेटकाे तस्बिरमा फुलमाला अर्पण गरेका थिए ।

साहित्यकार डा हरिहर भट्टराईले देवकाेटाकाे साहित्यिक योगदान र लाेकप्रियताकाे चर्चा गर्दै हरेक विधामा उनको उत्तिकै उत्कृष्ट याेगदान रहेकाे बताए ।

अन्तर्राष्ट्रिय नेपाली साहित्य समाज नर्थक्याराेलाइना च्याप्टरका सल्लाहकार ईश्वर देवकाेटाले महाकवि देवकोटाको व्यक्तित्वबारे प्रकाश पार्दै महाकवि देवकाेटा नेपाली साहित्यका विशाल समुद्रै रहेको र उनको योगदानको बयान जति गरेपनि छाेटाे र अपूर्ण हुने भन्दै देवकाेटाजस्ता महान व्यक्तिको सम्झना गर्दै यसरी प्रवासमा जयन्ती मनाउनु उनीप्रति सम्मान भएकाे प्रष्ट्याए।

कार्यक्रमका प्रमुख अतिथि शैलेन्द्र साकारले देवकाेटा साहित्यका एक ऐश्वर्य वरदान प्राप्त व्यक्तित्व रहेको उल्लेख गरे । उनले देवकोटाको स्थान लिनसक्ने साहित्यकार नेपाली साहित्यले अहिलेसम्म कोही नभएको भन्दै उनका सिर्जनाहरू नेपाली साहित्यमा अनुरागीहरुको लागि मार्गदर्शक भएको र उनका रचनाबाट हामीले धेरै सिक्न सक्ने चर्चा गरे ।

कार्यक्रममा स्थानीय साहित्यकारहरू डा ठाकुर कार्की, रेवती अधिकारी, रमेशप्रसाद गाैतम, विक्रम गाैतम, शिशिर खनाल, डा. ऋषि बस्ताकाेटी, नम्रता गुरागाई, निर्मला राजभण्डारी, आरती तिमल्सेना, भिमसेन बस्नेत र नेपालबाट अमेरिका भ्रमणमा रहेका साहित्यकार रमेश प्रसाद गौतम लगायतले आ-आफ्ना आफ्ना कविता पाठ गरेका थिए । कार्यक्रममा प्रमुख अतिथि शैलेन्द्र सकारले कार्यक्रममा विविध खालका बान्की बोकेका रचनाहरु सुन्न पाएको र भ्रमणको क्रममा नर्थ क्यरोलाइना आएर यहाँका साहित्यिक जमातसंग अन्तरक्रिया गर्न पाएकोमा खुसी व्यक्त गर्दै आफ्ना केही छानिएका कविताहरू सुनाए ।

कार्यक्रममा विराेध तिमल्सिनाले महाकवि देवकाेटाकै ‘कुन मन्दिरमा जान्छाै यात्री’ गीत गाएर सबैलाई मन्त्रमुग्ध पारेका थिए । कार्यक्रममा नर्थ क्यरोलाइनाका नेपाली स्कुलका विद्यार्थीहरूले देउसीभैलाेले उपस्थित सबैमा तिहारकाे याद दिलाएका थिए । कार्यक्रमको अन्त्यमा नर्थ क्याराेलाइना नेपाली साहित्य समाजका अध्यक्ष तथा कार्यक्रमका सभापति शिखर दुलालले कार्यक्रम कार्यक्रम सफल बनाउन सहयाेग गर्ने र उपस्थित सबैलाई धन्यबाद दिदै कार्यक्रम समापन गरेका थिए ।

IME
Peoples Dental college
Nepali Patro
Vianet
default-addImage
Loading...
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

IME
Peoples Dental college
Nepali Patro
Vianet
default-addImage