scheduleमगलवार कार्तिक २६ गते, २०७६

अत्यधिक रक्सी पिउनेका लागि गाँजा लाभदायक

 

काठमाडौं, १७ कात्तिक । विश्वभर अत्यधिक मध्यपानका कारण वर्षेनी लाखौं मानिसले ज्यान गुमाउने गर्छन् । अत्यधिक रक्सी सेवन कलेजो, पाचन प्रणाली, मृगौलालगायतका अंङ्गका लागि घातक मानिन्छ ।

मध्यपानले पारिवारिक विग्रह मात्रै होइन, डिप्रेशन समेत निम्त्याउने गर्छ । रक्सी छोड्नका लागि मानिसले  अल्टेजोन, एकामप्रोसेट डाइसुल फिराम र टोपिरामेट जस्ता औषधि समेत सेवन गरेको पाइन्छ ।

यता गाँजालाई समेत लागू औषधको रुपमा लिने गरिन्छ । तर विभिन्न अध्ययनले गाँजा औषधि समेत हो भन्ने पुष्टि गरिसकेको छ

गाँजा सेवनबाट पेटमा जलन हुने, उच्च रक्तचाप कम हुने र क्यान्सर जस्ता घातक रोगको जोखिम कम हुने गर्छ । अध्यधिक रक्सी सेवनबाट उत्पन्न हुने स्वास्थ्य समस्या र रोगका लागि समेत गाँजा लाभदायक मानिन्छ । अत्यधिक मध्यपान गर्ने व्यक्तिका लागि गाँजा निकै लाभदायक हुने हालै अमेरिकामा गरिएको एक अनुसन्धानले समेत पुष्टि गरेको छ ।

अत्यधिक रक्सी सेवनले हाम्रो कलेजोलाई निकै कमजोर बनाउने गर्छ । तर रक्सी सेवनबाट कमजोर बनेको कलेजोका लागि गाँजा अमृत समान हुने  म्यासाचुसेट्सस्थित नर्थ शोर मेडिकल सेन्टरका चिकित्सकको एक टोलीले गरेको अध्ययनले प्रमाणित गरेको छ ।

डा. अदेयिङ्का चार्ल्स अदेजुमोले नेतृत्व गरेको अध्ययन टोलीले अत्यधिक रक्सी सेवन गर्ने ३ लाख २० हजार व्यक्तिमाथि गाँजाको प्रभावबारे परीक्षण गरेको थियो । अध्ययनमा सहभागीमध्ये ९० प्रतिशतले कहिल्यै गाँजा सेवन गरेका थिएनन् भने बाँकीले सेवन गरेका थिए । गाँजा सेवन गर्नेमध्ये ८ प्रतिशतले नियमित जस्तै गाँजा सेवन र बाँकी २ प्रतिशतले बेलाबेला सेवन गरेका थिए ।

लामो अध्ययन र परीक्षणबाट रक्सीसहित गाँजा पनि सेवन गर्ने व्यक्तिमा कलेजोमा बोसो जम्ने ‘स्टियाटोसिस’ नामक समस्या कम हुने पाइएको थियो । रक्सीसहित गाँजा सेवन गर्ने व्यक्तिमा स्टियाटोसिसको जोखिम ४५ प्रतिशतले कम हुने अध्ययनको निष्कर्ष छ ।

त्यस्तै कलेजोमा लाग्ने सिरोसिस नामक क्यान्सरको जोखिमसहित अन्य समस्या उत्पन्न हुने खतरा समेत कम हुने अनुसन्धानकर्ताले बताएका छन् । गाँजा सेवनबाट कलेजोमा दाग देखिने र कलेजोले काम नै गर्न नसक्ने सिरोसिस नामक रोगको जोखिम ५५ प्रतिशत कम हुने अनुसन्धानका क्रममा गरिएको परीक्षणले पुष्टि गरेको छ ।

यता कलेजोमा बोसो जम्ने ‘स्टियाटोहेपाटाइटिस’ को जोखिम समेत गाँजा सेवन गर्ने व्यक्तिमा ४३ प्रतिशत हुने गर्छ । गाँजामा हुने तत्वले कलेजोमा बोसो जम्न नदिने र रोग लाग्ने जोखिम समेत कम हुने गर्छ । साथै कलेजोमा लाग्ने ‘हेपाटोसेलुलर कार्निनोमा’ नामक क्यान्सरको जोखिम ३८ प्रतिशतले कम हुने गर्छ ।

गाँजामा प्रति जलन तत्व(एन्टिइन्फ्लेमेटरी प्रोपर्टी) बढी हुने भएकाले समेत रक्सी सेवन गर्ने व्यक्तिका लागि यो लाभदायक हुने उनीहरुको भनाइ छ । यद्यपि, रक्सी र गाँजाको मिश्रण लाभदायक हुनु पछाडिको कारणबारे थप अनुसन्धान र परीक्षण गर्नुपर्ने चिकित्सकहरुको सुझाव छ ।

अध्ययनको निष्कर्ष लिभर इन्टरनेशनल नामक जर्लनमा प्रकाशित गरिएको छ । ‘गाँजामा प्रति जलन तत्व हुने गर्छ तर यसको सेवनले रक्सी सेवनबाट उत्पन्न हुने रोग कम हुनुका कारणबारे अझै प्रस्ट भइसकेको छैन’, उक्त जर्लनमा लेखिएकव छ ।

तर गाँजाको कुन भाग उपयुक्त हुन्छ भनेर थप परीक्षण गर्नुपर्ने एकजना अनुसन्धानकर्ता डा. टेरेन्स बुकोङ बताउँछन् । ‘गाँजाको कुन भाग प्रयोग गर्दा प्रभावकारी हुन्छ भनेर निश्चित गर्न बाँकी नै छ’, डा. बुकोङले भने, ‘गाँजाको कुन भाग पचाउन सक्छन्, गाँजा कति खाने र कसरी खाने भनेर समेत प्रस्ट भइसकेको छैन ।’

यसबाहेक, अध्यधिक रक्सी सेवनबाट उत्पन्न हुने मानसिक तनाव र शारीरिक जलन कम गर्न समेत गाँजा उपयोगी मानिन्छ । गाँजामा हुने ‘टेट्राहाइड्रोक्यानाबिनोल’ नामक तत्वले मानसिक तनाव कम गर्छ ।  साथै गाँजा सेवनबाट महिनावारी हुँदा अत्यधिक रक्तश्राव हुने र पेट दुख्ने समस्यादेखि डण्डिफोरबाट समेत राहत मिल्छ ।

गाँजा सेवनबाट धेरै फाइदा छन् । तर अत्यधिक रक्सी पिउने लत नै बसेकाले गाँजा सेवन गर्दा रक्सी छोड्न सक्छन् त भनेर अनुसन्धान हुन बाँकी नै छ । कुनै-कुनै अवस्थामा गाँजा सेवन गर्न लागेपछि पुनः रक्सी सेवनको दर थप बढ्ने अवस्था समेत आउन सक्नेप्रति डा. बुकोङले सचेत गराए ।

‘गाँजा सेवनबाट रक्सीको लत नै छुटाउन सकिन्छ भन्नेबारे हामीहरु प्रस्ट भइसकेका छैनौं’, बुकोङले भने, ‘कलेजोसम्बन्धी कुन रोगका लागि गाँजा लाभदायक हुन्छ भन्ने कुरालाई नै हामीले बढी जोड दिएका छौं ।’

 

 

IME
Peoples Dental college
Nepali Patro
Vianet
default-addImage
Loading...
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

IME
Peoples Dental college
Nepali Patro
Vianet
default-addImage