scheduleमगलवार जेष्ठ २० गते, २०७७

सामाजिक सुरक्षा कोषमा योगदान गर्नेले १ करोडसम्म पाउने

काठमाडौं, २२ कात्तिक । सरकारले सामाजिक सुरक्षा कोषमा योगदान गरेकाहरुलाई एक करोडसम्मको कर्जा प्रवाह गर्ने तयारी गरेको छ ।

श्रम, रोजगार तथा सामाजिक सुरक्षामन्त्री गोकर्ण विष्टले सामाजिक सुरक्षा कोषमा योगदान गरेकाहरुलाई बढीमा एक करोडसम्मको कर्जा प्रवाह गर्ने तयारी गरिएको जानकारी दिएका हुन् ।

Dish_Home

शुक्रबार सिंहदरबारमा गैर सरकार संस्था महासंघ, नेपाल, उपभोक्ता महासंघ, कर्मचारी संचय कोषलगायतका पदाधिकारीहरुसँगको सामूहिक छलफलमा बोल्दै मन्त्री विष्टले सामाजिक सुरक्षा कोषमा योगदान गर्नेहरुको मागलाई ध्यानमा राखेर सरकारले उनीहरुलाई घरजग्गाबापत बढीमा १ करोडसम्म कर्जा प्रवाह गर्ने तयारी गरेको बताए ।

त्यस्तै मन्त्री विष्टका अनुसार शैक्षिक कर्जाबापत बढीमा ३५ लाख कर्जा प्रवाह गरिने छ । ऋण प्रवाह गर्ने कार्यविधि तय गरी मन्त्रालयमा छलफल भइरहेको समेत उनले जानकारी गराए ।

मन्त्री विष्टले ऋण प्रवाहको सो विधि सामाजिक सुरक्षा कोषको अवधारणासँग मेल नखाएपनि विभिन्न निकायले दिएको सुझावको आधारमा सरकारले सो कोषमार्फत् कर्जा प्रवाह गर्ने सोचलाई अघि बढाएको स्पष्ट पारे ।

विष्टले सामाजिक सुरक्षा कार्यक्रम प्रभावकारी हुन नसकेको स्वीकार गर्दै त्यसको प्रचारात्मक अभियानलाई तीव्रता दिने पनि बताए ।

कार्यक्रममा बोल्दै गैरसरकारी संस्था महासंघ, नेपालका अध्यक्ष जितराम लामाले सामाजिक सुरक्षा कार्यक्रम अनौपचारिक क्षेत्रमा काम गर्नेहरुका लागि अति उपयोगी भएको उल्लेख गर्दै त्यसको प्रचार अभियानमा जोड दिन सरकारलाई सुझाव दिएका थिए ।

अध्यक्ष लामाले अनौपचारिक क्षेत्रमा ३ महिना काम गरेर वर्ष दिनसम्म जीवन यापन गर्नुपर्ने अवस्था रहेको उल्लेख गर्दै उनीहरुको सेवा र सुविधाको उचित व्यवस्थापन हुने गरी सामाजिक सुरक्षाको प्रबन्धन गर्न पनि सरकारको ध्यानाकर्षण गराए ।

default-addImage
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय