scheduleमगलवार श्रावण २० गते, २०७७

आलम प्रकरण : अर्का सरकारी साक्षीले पनि बयान फेरे

रौतहट, २५ कात्तिक । नेपाली कांग्रेसका नेता तथा सांसद मोहम्मद अफताव आलमको थुनछेक बहसका क्रममा अर्का सरकारी साक्षीले पनि बयान फेरेका छन् ।
बम विस्फोटका घाइते तेइसजनालाई जिउँदै जलाएर हत्या गरेको अभियोगमा  आलमविरुद्ध जिल्ला अदालतमा थुनछेक बहस चलिरहँदा प्रत्यक्षदर्शीले धमाधम बयान फेर्न थालेका हुन् ।

बम विस्फोटको घटनाका एक प्रत्यक्षदर्शी तथा घाइते गौरीशंकर राम चमारले बयान फेरेका हुन् । सरकारी साक्षीका रुपमा रहेका चमारले बयान बयान फेर्दै आफु बमले नभई स्टोभ पड्केर घाइते भएको कागजात पेस गरेका छन्।

चमारले आफूलाई प्रहरीले शारीरिक र मानसिक यातना दिएर जबर्जस्ती बयान लिएको पनि जिकिर गरेका छन् ।

यसअघि विस्फोटपछि इँटा भट्टामा हालेर जिउँदै मारिएका ओसी अख्तर विदेशमा रहेको भन्दै उनकी पत्नी अमना खातुनले जिल्ला अदालत रौतहटमा निवेदन दिएकी थिइन्।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय