scheduleबिहिवारफाल्गुन २० गते, २०७७

कालापानीबारे एसडी मुनीले मुख खोले- भारतीय सेना तत्काल हट्दैन

काठमाडौं, ६ मंसिर । भारतीय प्राध्यापक एसडी मुनीले कालापानी र लिम्पियाधुराबारे आफ्नो धारणा राखेका छन् । मुनीले कालापानी विवादित क्षेत्र भएको र उक्त क्षेत्रबाट भारतीय सेना तत्काल फिर्ता नहुने बताएका छन् ।

दक्षिण एसियाका विज्ञ तथा नेपाल मामलाका जानकार एसडी मुनीले नेपालबारे आफ्नो पछिल्लो धारणा व्यक्त गरेका हुन् । मुनीले लिम्पियाधुरा क्षेत्रलाई भारतले आफ्नो आधिकारिक नक्सामा पारेपछि सुरु भएको दुई देशबीचको असमझदारीलाई छलफलका माध्यमबाट समाधान गर्नुपर्ने समेत बताए ।

त्यस्तै प्रधानमन्त्री केपी शर्मा ओली र नेकपाले सीमा विवादलाई भारतविरोधी राष्ट्रवादको रुपमा प्रयोग गरेको मुनीको भनाइ छ । ‘नेपाल कम्युनिष्ट पार्टीले यतिबेला भारत विरोधी राष्ट्रवाद प्रयोग गरिरहेको छ र कालापानीबारे कुरा गरिरहेको छ’, मुनीले भने, ‘यस्तो कुरा नेकपा र केपी ओलीका लागि राम्रो कुरा होइन ।’

साथै कालापानीबाट भातरीय सेना हट्नुपूर्व सीमा समस्याको सार्थक हल निकाल्नु पर्ने उनको भनाइ छ ।

‘आपसी कुराकानीबाट यो समस्यालाई हल गर्न सकिन्छ, यसबारे के गर्ने भनेर तय नहुन्जेलसम्म सीमामा पुरानै अवस्था कायम हुनेछ र भारतीय सेना कालापानीबाट हट्नुपर्ने जरुरी छैन’, मुनीले भने ।

‘सबैलाई थाहा छ कि हालसम्म भारत र नेपालबीच कालापानीबारे कुनै कुराकानी भएको छैन । कुराकानीपछि मात्रै कालापानी कसको हो भनेर निश्चित हुन्छ तर कुराकानी नहुँदै ओलीले यस्तो कुरा नगरेको भए हुन्थ्यो’, मुनीले थपे ।

प्रतिकृया लेख्नुहोस्:
Prabhu_specian_saving
IME_Pay
Global IME

सम्बन्धित शीर्षकहरु

आजको लोकप्रिय

Mega_Bank
Ime_Pay