scheduleबिहिवार आषाढ़ १८ गते, २०७७

रुसी फार्ममा दूध उत्पादन बढाउन गाईलाई भिआर लगाइयो

एजेन्सी, १२ मंसिर । रुसको एउटा डेरी फार्ममा गाईलाई शान्त पारेर दूध उत्पादन बढाउन भन्दै भर्चुअल रियालिटी (भिआर) प्रविधि अपनाइएको छ ।

फार्मका गाईलाई आनन्द दिने र दूध उत्पादन बढाउने उद्देश्यले अत्याधुनिक प्रविधि प्रयोग गर्न थालिएको हो। हाल उक्त फार्मका गाईहरूलाई कृत्रिम वास्तविकता भनिने भर्चुअल रीयालिटी (भिआर) उपकरण लगाइदिन थालिएको छ।

Dish_Home

प्रारम्भिक परीक्षणबाट भिआर उपकरणले गाईको समग्र मनस्थितिमा सुधार आएको पाइएको थियो । मस्कोस्थित रामन्स्की जिल्लस्थित रुसमोलोको फार्ममा उक्त परीक्षण गरिएको थियो । उक्त परीक्षणले गाईको भावनात्मक वा मानसिक अवस्था र दूध उत्पादनबीच सम्बन्ध हुने देखाएको छ।

फार्मका गाईलाई भिआर प्रविधिजडित हेडसेटमार्फत् ग्रीष्मकालीन जस्तो हरियाली चौर र खेतबारी देखाइएको थियो । परीक्षणबाट गाईको समग्र मनस्थितिमा सुधार आएको र दूध उत्पादन बढेको पाइएको थियो ।

आँखा पुरै छोपिने हेडसेट लगाएर अर्कै दुनियाँमा रहेको महसुस हुने भिआर प्रविधि विशेषगरी कम्प्युटर गेमहरूमा बढी प्रयोग हुने गर्छ ।भिआर उपकरण सामान्य टेलिभिजन वा भिडियोको दृश्य भन्दा निकै भिन्न हुन्छ ।

भिआर प्रविधिमार्फत दर्शकले आफू अर्कै दुनियाँमा रहेको अनुभव गर्न सक्छन् । त्यसैले यो प्रविधिलाई कृत्रिम वास्तविकता भन्ने गरिएको हो।

मन्त्रालयद्वारा प्रकाशित विज्ञप्तिमा मस्कोको रामन्स्की जिल्लास्थित रुसमोलोको फार्ममा उक्त परीक्षण गरिएको उल्लेख छ।

default-addImage
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय