scheduleसोमवार माघ १३ गते, २०७६

होम स्टेमा आगलागी हुँदा लाखौंको क्षति

सांकेतिक तस्बिर

इलाम, २३ मंसिर । सूर्योदय नगरपालिका-५ श्री अन्तुस्थित एक होम स्टेमा आगलागी हुँदा लाखौंको क्षति भएको छ ।

श्रीअन्तुस्थित मानवीर तामाङले सञ्चालन गरेको होम स्टेमा सोमबार बिहान भएको आगलागीबाट २६ लाखभन्दा बढीको क्षति भएको छ।  विद्युत सर्ट भएर तामाङले संचालन गरेको फयाफुल्ला होम स्टेमा आगलागी भएको प्रहरीले जनाएको छ ।

आगलागीबाट तामाङको काठ र सिमेन्टले बनेको दुई तले घरको माथिल्लो तला जलेर नष्ट भएको छ। आगलागीबाट पाँचलाख नगद, ४ तोला सुन, लत्ता कपडा, भाडा बर्तन,फर्नीचर,  खाद्य सामग्री जलेर नष्ट हुँदा २६ लाख बढीको क्षति भएको इलाका प्रहरी कार्यालय पशुपतिनगरका प्रहरी निरीक्षक रमेश राईले जानकारी दिए।

काठबाट बनाइएको घर भएकाले तत्काल आगो नियन्त्रणमा लिन समस्या भएको स्थानीय रुद्र घिमिरेले जानकारी दिए । प्रहरी र स्थानीयले करिव दुई घण्टापछि आगो नियन्त्रणमा लिएका थिए।

default-addImage
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय