scheduleबिहिवार चैत्र २० गते, २०७६

बागलुङमा कुखुराको मासुको मूल्य अहिलेसम्मकै उच्च

गलकोट, २४ माघ । बागलुङमा ब्रोइलर कुखुराको मासुको मूल्य अहिलेसम्मकै उच्च भएको छ । एक महिनाको अवधिमा तीनपटकसम्म मासुको मूल्यवृद्धि भएको मासु व्यवसायी सङ्घ बागलुङले जनाएको छ ।
जिल्लामा उत्पादन भएका ब्रोइलर कुखुराले बजारको माग धान्न नसकेपछि मूल्यवृद्धि गर्नुपरेको सङ्घका अध्यक्ष कृष्ण कार्कीले जानकारी दिए । माघ महिनाको अहिलेसम्म तीनपटक मूल्यवृद्धि भएको छ । महिनाको शुरुमा  ३८० र रु ४०० प्रतिकेजी हुँदै अहिलेको मूल्य ४४० पुगेको छ ।
कुखुरा फार्ममा कुखुराको उत्पादनमा कमी आएका कारण खरीद मूल्य बढेपछि मूल्य बढाउन बाध्य भएको व्यवसायीले बताएका छन् ।

‘कुखुराका माग धान्नै मुस्किल छ, अन्यत्रबाट आयत गर्न ढुवानी खर्च बढी लाग्छ’, उनले भने, ‘कतिपय फ्रेसहाउसहरु मासुको अभावमा बन्द हुन थालेका छन् ।’ अहिलेसम्म ४०० नाघ्न सकेको थिएन । कुखुरा कम उत्पादन भएपछि हालसम्मकै उच्च मूल्यवृद्धि भएको हो ।
कुखुरा उत्पादकको घरमै पुग्दासमेत जिउदो कुखुरालाई  ३०० मा खरीद गर्नुपरेको मासु व्यवसायी कृष्ण जिसीले बताए ।

Dish_Home

जिउँदो कुखुरालाई  ३०० मा खरीद गरेर गोदामभाडा, पसलभाडा तिरेर  ४४० मा बिक्री गर्दा मेहनतसमेत नउठ्ने भएको उनले जानकारी दिए । त्यस्तै खसी\बोकाको मासुको समेत प्रतिकेजीमा  ५० वृद्धि भएको छ ।  ९०० प्रतिकेजी खसी\बोकाको मूल्य माघ १९ गते देखि ९५० पुगेको हो ।
अन्य मासुको मूल्य यथावत रहे पनि कुखुराको मासुको मूल्य अझै वृद्धि हुने सम्भावना रहेको मासु व्यवसायी सङ्घले जनाएको छ । रासस

default-addImage
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय