scheduleबिहिवार चैत्र २७ गते, २०७६

अन्नपूर्ण पदमार्गमा आउने पर्यटक बढे, सबैभन्दा धेरै जर्मन पर्यटक

लमजुङ, १५ फागुन । नेपाल भ्रमण वर्ष २०२० मा चक्रीय अन्नपूर्ण पदमार्गमा आउने पर्यटक विस्तारै बढ्न थालेका छन् । चिसोका कारण मुश्किलले पाँच/छ जना आउने गरेको यस पदमार्गमा गर्मी शुरुपछि पर्यटक बढेका हुन् ।

केही दिनबाट पर्यटक बढ्न थाले पनि यस पदमार्गका होटल व्यवसायी भने खुशी छैनन् । गत वर्ष यही मौसममा यो भन्दा दोब्बर पर्यटक आएको र यस वर्ष कोरोना भाइरसले पर्यटक कम आउँदा व्यवसाय विगतका वर्षमा झैँ हुन नसकेको होटल व्यवसायी पञ्चबहादुर गुरुङले बताउनुभयो । यतिबेला विस्तारै आयआर्जन बढ्न थालेको छ । केही समयअघि सम्म ५/१० हजार रुपैयाँ कमाउन नसकेका होटल व्यवसायीले यतिबेला ४० हजारदेखि ६० हजारसम्म आम्दानी गरिरहेको होटेल व्यवसायीको भनाइ थियो ।

Dish_Home

त्यस्तै मनाङका पर्यटन व्यवसायी विनोद गुरुङले भने, ‘अब पर्यटकको मौसम शुरु भयो, पर्यटक बढ्न थाले, विगतका वर्ष जसरी अहिले व्यापार नभए पनि चिसोको मौसमभन्दा राम्रो हुन थालेको छ ।’ चिसोले बन्द भएका यहाँका बन्द होटल विस्तारै सञ्चालन भइरहेको उनको भनाइ थियो ।

यतिबेला पदमार्गमा दैनिक कम्तीमा ५० जनाभन्दा बढी आउने गरेको अन्नपूर्ण संरक्षण क्षेत्र आयोजना (एक्याप) पर्यटक जाँच केन्द्र धारापानीका इञ्चार्ज सोमी गुरुङले बताईन्। उनले भनिन्, ‘यो वर्षकै सबैभन्दा धेरै बुधबार ५९ पर्यटक आए । भ्रमण वर्षमा पदमार्गमा आउने पर्यटक वृद्धि हुने अपेक्षा गरेका छौँ’, विस्तारै पर्यटक बढ्न थालेको उनको भनाइ थियो । अहिले पर्यटक सबैभन्दा धेरै जर्मनीबाट आएको एक्याप धारापानीले जनाएको छ ।

एक्याप धारापानीका अनुसार सन् २०१९ मा २७ हजारभन्दा बढी पर्यटक यस पदमार्गमा आएका थिए । अन्नपूर्ण पदमार्ग लमजुङ, मनाङ, कास्की, मुस्ताङ, र म्याग्दी गरी पाँच जिल्ला जोडिएको छ ।

default-addImage
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय