scheduleआइतवार जेष्ठ १८ गते, २०७७

स्वास्थ्य जाँच नगरी गाउँ प्रवेश गरे २५ हजार जरिवाना

सिमकोट, २० चैत । उच्च हिमाली जिल्ला हुम्लाको उत्तरी नाम्खा गाउँपालिका वडा नं ३ को खगालगाउँमा स्वास्थ्य परीक्षण नगरी प्रवेश गरेमा जो कोहीलाई २५ हजार जरिवाना गरिने भएको छ । कोरोना भाइरस संक्रमणविरुद्ध सचेत भएर सजगता अपनाउन र कोही संक्रमित व्यक्ति गाउँमा नआओस् भनेर नाम्खा ३ नं वडा कार्यालयले गाउँबासीलाई कोरोनाको संक्रमणबाट जोगाउन सो नियम बनाएको वडाध्यक्ष छेपाल लामाले बताए ।
वडा नं ३ कार्यालयले गाउँवासी होस् वा बाह्य निवासी जो भए पनि स्वास्थ्य परीक्षण नगरी गाउँ प्रवेश गरेको पाइएमा  २५ जरिवाना र जो जति परिवार छन् सबैलाई क्वारेन्टाइनमा बस्न लगाइने निर्णय भएको वडाध्यक्ष लामाले बताए । वडा नं ३ खगालगाउँमा बुधबारदेखि कुनै पनि नयाँ व्यक्तिलाई प्रवेश निषेध गरिएको छ ।
जिल्ला भित्रिएका ६८८ मध्ये २१ क्वारेटाइनमा
जिल्ला बाहिर भारत वा काठमाडौँलगायत विभिन्न शहरबाट आएर बाँके, सुर्खेत, जुम्ला, मुगु हुँदै हुम्ला पुगेका स्थानीयवासी क्वारेन्टाइनमा बस्नै मान्दैनन् ।
हुम्ला जिल्लाभरि एक सय तीन शययाको क्वारेनटाइन निर्माण गरिएको छ । यहाँको स्थानीय सरकार र स्थानीय प्रशासनले कोभिड –१९ को जोखिम बढ्दै गएपछि जिल्ला बाहिरबाट आएका सर्वसाधारण राख्नलाई जिल्लाका सातवटै गाउँपालिकामा क्वारेन्टाइन निर्माण गरिएको छ ।

जिल्लाको सदरमुकाम सिमकोटमा रहेको ३० शय्याको क्वारेन्टाइनमा अहिले जिल्ला बाहिरबाट आएका १० र उत्तरी नाम्खा गाउँपालिकाको याल्वाङ्गमा रहेको क्वारेन्टाइनमा ११ शय्या रहेकामा ११ जना नै बसेको प्रमुख जिल्ला अधिकारी विनिता भट्टराईले बताए । रासस

Dish_Home

default-addImage
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय