scheduleबिहिवार जेष्ठ १५ गते, २०७७

कर्णाली प्रदेश : विशेषज्ञसहितको स्वास्थ्यकर्मी हेलिकप्टरबाट पठाइने

सल्यान, २२ चैत । कर्णाली प्रदेश सरकारका सामाजिक विकासमन्त्री दल रावलले कोरोनाको सङ्क्रमण देखिन साथ सोही स्थानमा विशेषज्ञसहितको स्वास्थ्यकर्मी पठाउन हेलिकप्टरको व्यवस्था गरिएको बताएका छन् ।

सल्यानको सदरमुकाम खलङ्गामा आज आयोजित पत्रकार सम्मेलनमा मन्त्री रावलले कोरना भाइरस रोकथामका लागि कर्णाली प्रदेश सरकारले कुनै कसर बाँकी नराखेको जानकारी दिए । ‘प्रदेश सरकारले जहाँ कोरोनाको सङ्क्रमण देखिन्छ त्यही ठाउँलाई लकडाउन गरेर उपचार गर्नका लागि एम्बुलेन्स जाने स्थानमा एम्बुलेन्स र जान नसक्ने ठाउँमा हेलिकप्टरमार्फत विशेषज्ञसहितको टोली पठाएर उपचार गर्ने व्यवस्था मिलाएका छौँ,’ मन्त्री रावलले भने ।

Dish_Home

प्रदेश सरकारले १० जिल्लाका अस्पतालको स्तरोन्नतिलाइ  ५०/५० लाख उपलब्ध गराएको जानकारी दिए । ‘हामीले कारोना रोकथामका लागि आवश्यक स्वास्थ्य सामग्री सबै अस्पतालमा पठाइसकेका छौँ, अब आवश्यकता र मागका आधारमा सबै पालिकामा उपलब्ध गराउने योजना छ’, मन्त्री रावलले भने ।

प्रदेशभित्रका सबै अस्पतालमा कोरोना उपचारका लागि आवश्यक स्वास्थ्यकर्मी भर्ना गर्न मन्त्रीले आग्रह गरेका छन् । ‘हामीले कोरोना रोकथामका लागि आवश्यक जनशक्ति भर्ना गर्न निर्देशन दिइसकेका छौँ आवश्यकताका आधारमा भर्ना गर्नुस् सरकारले प्रभावकारी काम खोजेको छ’, मन्त्री रावलले भने ।

कर्णाली प्रदेशका आर्थिक मामिला तथा योजनामन्त्री प्रकाश ज्वालाले प्रदेश सरकारले राहत प्याकेज घोषणा गर्न लागको जानकारी दिए। ‘देश लकडाउन भएको कारणले विपन्न, ज्याला मजदूरी गरेर खानेका लागि प्रदेश सरकारले राहत प्याकेज घोषणा गर्न लागेको छ’, मन्त्री ज्वालाले भने । ‘कोरोनासँग लड्न तयारी पूरा गरेका छौँ, सरकार तपाईहरुको साथमा छ, नआत्तिएर सतर्कताका साथ जिम्मेवारी पुरा गर्नुस्’, मन्त्री ज्वालाले भने ।

प्रमुख जिल्ला अधिकारी शिवराम पोखरेलले जिल्लामा लकडाउनको पूर्णरुपमा पालना भएको र सबै स्थानीय तहले विपन्नको तथ्याङ्क सङ्कलन गरी खाद्यान्न वितरण अगाडि बढाइरकेको बताए । रासस

default-addImage
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय