scheduleमगलवार जेष्ठ १३ गते, २०७७

इरानमा कोभिड–१९ : एक लाख २९ हजार संक्रमित, सात हजारको मृत्यु

तेहरान, ८ जेठ । इरानमा बिहीबारसम्ममा एक लाख २९ हजार ३४१ व्यक्ति कोरोनाभइरस (कोभिड–१९) बाट सङ्क्रमित भएका छन् भने सात हजार २४९ को मृत्यु भएको छ ।

इरानको राष्ट्रिय टेलिभिजनले जनाए अनुसार पछिल्लो २४ घण्टामा थप सङ्क्रमितको सङ्ख्या दुई हजार ३९२ रहेका छन् भने यो अवधिमा मृत्यु हुनेको सङ्ख्या ६६ रहेको छ ।

Dish_Home

विश्वव्यापी महामारीका रूपमा फैलिएको कोरोना भाइरसको सङ्क्रमणका कारण बढी प्रभावित मुलुकमध्ये इरान पनि एक हो ।

अनलाइन पत्रकार सम्मेलनमा इरानी स्वास्थ्य तथा चिकित्सा शिक्षा मन्त्रालय अन्तर्गत रहेको नागरिक सम्बन्ध तथा सूचना केन्द्रका प्रमुख कैनुस जहानपुरले भने, ‘पछिल्लो २४ घण्टामा थप दुई हजार ३९२ व्यक्तिमा नयाँ सङ्क्रमण पुष्टि भएको छ र योसँग सङ्क्रमितको सङ्ख्या एक लाख २९ हजार ३४१ पुगेको छ ।’

एक लाख निको भई घर फर्के

केन्द्रका प्रमुख जहानपुरका अनुसार इरानमा अहिलेसम्म एक लाख ५६४ कोरोनाभाइरस सङ्क्रमित व्यक्ति निको भएर घर फर्किएका छन् । यहाँ दुई हजार ६५५ सङ्क्रमितको अवस्था गम्भीर भएको बताइएको छ ।

स्वास्थय अधिकारीका अनुसार इरानमा बिहीबारसम्म सात लाख ४६ हजार ४५ व्यक्तिको कोभिड–१९ को सङ्क्रमण परीक्षण भएको छ । इरानमा सबैभन्दा पहिलो व्यक्तिमा सङ्क्रमण पुष्टि फेब्रुअरी १९ मा भएको थियो । सिन्ह्वा

default-addImage
default-addImage
प्रतिकृया लेख्नुहोस्:

सम्बन्धित शीर्षकहरु

आजको लोकप्रिय