scheduleबुधवार श्रावण २८ गते, २०७७

ओली र प्रचण्ड-माधव पक्षका कार्यकर्ताबीच कुटाकुट

कैलाली, २२ असार । कैलालीमा नेकपा अध्यक्ष तथा प्रधानमन्त्री केपी शर्मा ओली र नेकपाकै अर्का अध्यक्ष पुष्पकमल दाहाल ‘प्रचण्ड’ तथा वरिष्ठ नेता माधव कुमार नेपाल समूहबीच झडप भएको छ।

सत्तारूढ नेपाल कम्युनिष्ट पाटी (नेकपा) भित्र शीर्ष नेताहरूबीच विवाद चुलिएका बेला कैलालीमा दुई पक्षबीच कुटाकुट भएको हो ।

लम्की चोकमा सचेत नागरिक समाजले प्रधानमन्त्री ओलीको सर्मथन गर्दै कार्यक्रम आयोजना गरेको थियो। त्यस क्रममा दुवै पक्षबिच भएको विवाद हात हालाहाल सम्म पुगेको हो ।

स्थानीयका अनुसार ओली पक्षले, ‘हामीलाई प्रचण्डको एकएक हर्कत थाहा छ’ भन्दै भाषण गरेपछि विवाद सुरु भएको थियो।

सचेत नागरीक समाजको तर्फबाट ओली पक्ष निकट मानिदै आएका पत्रकार सम थापाले प्रधानमन्त्रीको बचाउ गदै भाषण गरेका थिए।

लम्कीचुहा नेकपाका नेता नरबहादुर खड्काले ओलीको बचाउ गदै प्रचण्डले बकम्फुसे कुरा गरेको आरोप लगाएपछि प्रचण्ड निकटका केही युवाहरु खड्कामाथि खनीएका थिए।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय