scheduleसोमवार श्रावण २६ गते, २०७७

प्रदेश नं १ मा एकैदिन थप नौजनामा कोरोना पुष्टि

चितवन, २३ असार । प्रदेश नं १ मा आज नौ जनामा कोभिड–१९ सङ्क्रमित पुष्टि भएको छ । यसरी सङ्क्रमित हुनेहरुमा मोरङका छ, सुनसरीका दुई र झापाका एकजना रहेको सामाजिक विकास मन्त्रालयले जनाएको छ ।

मन्त्रालयका अनुसार आज पोजेटिभ देखिएकाहरुमा मोरङको विराटनगरका दुई महिलासहित छ, सुनसरीको धरानका एक महिलासहित दुई र झापाको बाह्रदशीका एकजना रहेका छन् । प्रदेशमा योसँगै जम्मा सङ्क्रमितहरुको सङ्ख्या ६८५ पुगेको सामाजिक विकास मन्त्रालयले जनाएको छ ।

यस्तै प्रदेशबाट आज सात सङ्क्रमितहरु निको भई घर फर्केका छन् । कोशी अस्पताल कोभिड–१९ उपचार केन्द्र विराटनगरमा उपचार गराइरहेका तीन महिलासहित सातजना घर फर्केका छन् ।

निको हुनेहरुमा मोरङका चार र सुनसरीका तीनजना रहेको उपचार केन्द्र व्यवस्थापन समिति सदस्य धु्रव उरावले जानकारी दिए ।

निको हुनेहरुमा छ वर्षीया बालिकादेखि ५० वर्ष उमेर समूहका रहेका उहाँले बताउनुभयो । योसँगै प्रदेशमा निको भई घर फर्कनेहरुको सङ्ख्या ४७९ पुगेको छ ।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय