scheduleबुधवार श्रावण २१ गते, २०७७

रणवीर र कट्रिना पहिलोपटक एकसाथ पर्दामा देखिने

एजेन्सी, २५ असार । बलिउड अभिनेता रणवीर सिंह र अभिनेत्री कट्रिना केफ पहिलोपटक एकसाथ काम गर्ने भएका छन् । निर्देशक जोया अख्तरले उनीहरुलाई आफ्नो चलचित्रमा अनुबंधित गरेकी छन् ।

उनले सन् २००६ मा ओस्कार अवार्ड विजेता चलचित्र ‘द डिपार्टेड’ को हिन्दी रिमेक बनाउन लागेकी छन् ।

यसअघि ‘गली ब्वाइ’ मा रणवीर सिहं र आलिया भाटलाई लिएर चलचित्र बनाएकी जोयाले रणवीर र कट्रिनालाई पहिलोपटक पर्दामा ल्याउन लागेकी हुन् ।

चलचित्रको रिमेकमा रणवीर ओस्कार विजेता लियोनार्डो डिकाप्रियोले ‘द डिपार्टेड’ मा निभाएको भूमिकामा रहनेछन् । रणवीर र कट्रिनाको जोडी कस्तो हुनेछ भन्ने विषयलाई लिएर दर्शकहरु पनि उत्साहित छन् ।

हाल रणवीर सिंह प्रसिद्ध भारतीय पूर्वक्रिकेटर कपिल देवको जीवनीमा बनिरहेको बायोपिक चलचित्र ‘८३’ मा व्यस्त छन् । यस चलचित्रमा दीपिका पादुकोण पनि मुख्य भुमिकामा रहेकी छन् ।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय