scheduleशुक्रवारमाघ ९ गते, २०७७

इटालियन सिरी ए : मिलानका दुई क्लबको सहज जीत

काठमाडौं, १८ साउन । इटालियन सिरी ए फुटबलअन्तर्गत गएराति सम्पन्‍न खेलहरुमा एसी मिलान र इन्टर मिलानले आ-आफ्नो खेलमा जीत हात पारेका छन् ।

एट्लान्टासँग उसकै घरेलु मैदानमा भएको खेलमा इन्टर मिलान २-० ले विजयी रह‍्यो । उसका लागि डानिलो डि एम्ब्रोसियोले पहिलो मिनेटमै गोल गरेका थिए भने एस्ले योङले २०औं मिनेटमा गोल थप्दै अग्रता दोब्बर पारेका थिए । त्यसपछ‌िको ६० मिनेटमा दुवै टोलीबाट थप गोल हुन सकेनन् ।

विजयी भएको इन्टर ८२ अंकसहित अंकतालिकाको दोस्रो स्थानमा रहँदै लिग सकाएको छ । शीर्षस्थानको युभेन्‍ट्सको ८३ अंक छ । पराजित एट्लान्टाको भने ७८ अंक छ र तेस्रो स्थानमा सीमित भएको छ ।

यस्तै अर्को खेलमा एसी मिलानले काग्लियारीलाई ३-० ले हरायो । उपहार गोलबाट अग्रता लिएको मिलानका लागि ज्लाटान इब्राहिमोभिच र सामु कास्टिलेजोले एक-एक गोल थपे । खेलको १०औं मिनेटमा काग्लियारीका राग्‍नार क्लाभानले आत्मघाती गोल गरेपछि मिलानले अग्रता लिएको थियो ।

त्यसपछि दोस्रो हाफको ५५औं मिनेटमा इब्राहिमोभिचले गोल गरे भने त्यसको दुई मिनेटमै कास्टिलेजोले गोल थपेपछि मिलान ३ ० को अग्रता बनाउँदै खेल जित्‍न सफल भयो ।

जीतसँगै ६६ अंक बनाएको एसी मिलान तालिकाको छैटौं स्थानमा रहँदै लिग सकाएको छ । पराजित काग्लियारीको भने ४५ अंक छ र १३औं स्थानमा रहेको छ ।

प्रतिकृया लेख्नुहोस्:
Prabhu_specian_saving
IME_Pay
Global IME

सम्बन्धित शीर्षकहरु

आजको लोकप्रिय

Mega_Bank
Ime_Pay