scheduleशनिवार मंसिर २० गते, २०७७

रामचन्द्र पौडेलले प्रस्तुत गरे कांग्रेस सुधारका १० सुत्र

काठमाडौं, १४ भदौ । नेपाली कांग्रेसको महाधिवेशनको मिति नजिकिँदै गर्दै वैचारिक र सांगठनिक बहसहरु तीव्र हुन थालेका छन् । यसैबीच नेपाली कांग्रेसका वरिष्ठ नेता रामचन्द्र पौडेलले पार्टी सुधारका लागि भन्दै दशवटा ‘सुत्र’ प्रस्तुत गरेका छन् ।

नेता पौडेलले देश र पार्टी सुधारका लागि आफ्ना प्रतिवद्धता सार्वजनिक गर्दै भनेका छन्, ‘मैले नारामात्र नलगाएको हो । भन्ने कुरा धेरै भनेको छु, गर्ने काम पनि धेरै गरेको छु ।’

उनले आइतबार एक ट्वीट सन्देश जारी गर्दै उनले लेखेका छन्, ‘प्रचारको कमी हुन सक्छ ।’

नेपालको वर्तमान संविधान लागू गर्ने, कांग्रेसको विधान पालना गर्ने/गराउने, नेपालको उन्नतिको बाटो देखाउने, सुशासन लागू गराउने, नेपालको असंलग्नता र तटस्थतालाई बचाउने, कांग्रेसलाई जनताको भरोसाको केन्द्र बनाउनुपर्ने उनको प्रस्ताव छ ।

त्यस्तै, कम्युनिष्ट भ्रष्ट र शब्दजालबाट जनतालाई मुक्त गराउने, जनतामा देशक्तिको भावना जगाउने, संस्कृति परम्परा र नेपाली विशेषताको पहिचान गराउने र कांग्रेस विचार शुन्य तथा दिशाविहीन छैन भन्ने सावित गराउने पौडेलका सुत्रहरु रहेका छन् ।

प्रतिकृया लेख्नुहोस्:
Prabhu_specian_saving
IME_Pay
Global IME

सम्बन्धित शीर्षकहरु

आजको लोकप्रिय

Mega_Bank
CT-Express
Ime_Pay