scheduleबिहिवारमाघ ८ गते, २०७७

उत्पादन नहुँदै १२० करोड रसियन कोरोना खोप बिक्री !

मस्को, ६ असोज । रुसले कोरोना खोप स्पूतनिक-वी बेच्नका लागि १० देशका साथ सुरुवाती सम्झौता भएको छ । अहिलेसम्म १२० करोड डोज बिक्रीका लागि सम्झौता भइसकेको छ ।

यसलाई अर्डर गर्ने देशहरुमा दक्षिण अमेरिकी र एसियाली देशहरु रहेका छन् । केही खाडी राष्ट्रहरुले पनि खरिदका लागि सुरुवाती सम्झौता गरिसकेका छन् ।

रुसी अधिकारीहरुका अनुसार भारत, साउदी अरब, मेक्सिको र ब्राजिलले भ्याक्सिन खरिदका लागि सम्झौता गरिसकेका छन् ।

त्यस्तै, १० अन्य देशहरुसाग पनि रुसले संवाद गरिरहेको वाल स्ट्रिट जर्नलमा खबर छापिएको छ ।

रुसमा अहिलेसम्म ११ लाख ९ हजार ५९५ संक्रमित भेटिएका छन् जबकि १९ हजार ४८९ जनाको मृत्यू भइसकेको छ ।

बितेको १० दिनमा यहाँ हरेक दिन ५ हजार भन्दा बढी संक्रमित भेटिएका छन् ।

रुसले यही वर्षको अन्तिमसम्म आम मानिसको प्रयोगका लागि खोप उपलब्ध हुने दावी गर्दै आएको छ । खोप रुसको गामेलया अनुसन्धान केन्द्रमा तयार गरिँदै छ ।

संसारका विभिन्न देशहरुका ४० हजार मानिसमा यसको मानवीय परीक्षण सुरु भएको छ ।

रुसको कोरोना खोप स्पूतनिक-वीको परीक्षणका लागि ६० हजार मानिसले आवेदन दिएका छन् । यीमध्ये हजारौं मानिसहरुले खोप परीक्षणअघि हुने अनिवार्य स्वास्थ्य परीक्षण पास गरिसकेका छन् ।

यसैबीच, ७०० मानिसहरुलाई खोप लगाइसकिएको जानकारी मेयर सर्गेइ सोबयनिनले दिएका छन् । रुसको स्वास्थ्य मन्त्रायलले १५ अगस्टमा यो खोप तयार बनाउने घोषणा गरेको थियो ।

प्रतिकृया लेख्नुहोस्:
Prabhu_specian_saving
IME_Pay
Global IME

सम्बन्धित शीर्षकहरु

आजको लोकप्रिय

Mega_Bank
Ime_Pay