scheduleबिहिवार मंसिर १८ गते, २०७७

बितेको २४ घण्टामा ४४९९ जना कोरोना संक्रमित थपिए


काठमाडौं, ७ कात्तिक । पछिल्लो २४ घण्टामा ४ हजार ४९९ जनामा कोरोना भाइरस (कोभिड–१९) को संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

बितेको २४ घण्टामा देशभरका प्रयोगशालामा १६ हजार ८६३ नमुना परीक्षण गरिएकोमा १६९० महिला र २८०९ पुरुषमा संक्रमण पुष्टि भएको मन्त्रालयले जनाएको हो । यो समयमा कोरोना संक्रमण निको हुनेको संख्या २ हजार ६६८ रहेको छ ।

यससँगै कुल संक्रमितको संख्या १ लाख ५३ हजार ८ पुगेको छ । नेपालमा हाल सक्रिय कोरोना संक्रमितको संख्या ४६ हजार ६९१ पुगेको छ भने निको हुनेको संख्या १ लाख ५ हजार ४८८ पुगेको छ ।

बितेको २४ घण्टामा १७ कोरोना संक्रमितको मृत्यु भएको छ । योसँगै कोरोना संक्रमणबाट मृत्यु हुनेको संख्या ८२९ पुगेको छ ।

नेपाल कोरोना संक्रमणबाट अत्यधिक प्रभावित हुनेमा विश्वको ३४औं स्थानमा रहेको छ ।

प्रतिकृया लेख्नुहोस्:
Prabhu_specian_saving
IME_Pay
Global IME

सम्बन्धित शीर्षकहरु

आजको लोकप्रिय

Mega_Bank
CT-Express
Ime_Pay