scheduleशनिवार मंसिर २० गते, २०७७

उपत्यकामा आइतबार थपिए १५ सय ३५ कोरोना संक्रमित

काठमाडौं, ९ कात्तिक । काठमाडौं उपत्यकाभित्र बितेको २४ घन्टाभित्र १५ सय ३५ जना कोरोना भाइरसको संक्रमित थपिएका छन् । बितेको २४ घण्टामा उपत्यकाभित्र ६ सय २९ महिला र ९ सय ६ पुरुष संक्रमित थपिएका स्वास्थ्य मन्त्रालयले जनाएको हो ।

उपत्यकामा कुल २३ हजार ७ सय ५० जना सक्रिय संक्रमित रहेको मन्त्रालयले जनाएको छ । यो कुल संक्रमितको आधा भन्दा बढी संख्या हो । देशमा हाल ४५ हजार ५ सय ७२ जना सक्रिय कोरोना संक्रमित छन् ।

उपत्यकाभित्र काठमाडौंमा १९ हजार ८ सय २६, ललितपुरमा १४ सय ९४ र भक्तपुरमा २४ सय ३० सक्रिय संक्रमित छन् ।

हालसम्म काठमाडौं उपत्यकामा हालसम्म ३ सय तीन जना कोरोना भाइरसको संक्रमितको मृत्यु भइसकेको छ ।

स्वास्थ्य मन्त्रालयका अनुसार हालसम्म काठमाडौंमा एक सय ९३, भक्तपुरमा ५६ र ललितपुरमा ५४ जनाको कोरोना संक्रमणबाट मृत्यु भएको हो ।

प्रतिकृया लेख्नुहोस्:
Prabhu_specian_saving
IME_Pay
Global IME

सम्बन्धित शीर्षकहरु

आजको लोकप्रिय

Mega_Bank
CT-Express
Ime_Pay