scheduleबिहिवार मंसिर १८ गते, २०७७

सोमबार थपिए १७४१ कोरोना संक्रमित, ४००५ जना निको हुँदा १५ जनाको मृत्यु

काठमाडौं, १० कात्तिक । नेपालमा पछिल्लो २४ घण्टामा १ हजार ७४१ जना कोरोना संक्रमित थपिएका छन् । योसँगै नेपालमा कुल संक्रमितको संख्या १ लाख ५९ हजार ८३० पुगेको छ ।

स्वास्थ्य तथा जनसंख्या मन्त्रालयले सोमबार दिएको जानकारीका अनुसार पछिल्लो २४ घण्टामा थप ४ हजार ५ जना संक्रमित निको भएर घर फर्किएका छन् । अहिलेसम्म डिस्चार्ज हुनेको संख्या १ लाख १५ हजार ६७५ पुगेको छ ।

सवमबारसम्म २ हजार ९६९ जना क्‍वारेन्टाइनमा रहेका छन् भने ४३ हजार २९३ जना आइसोलेसनमा रहेका छन् । आजसम्म कुल १३ लाख ९८ हजार १७९ नमूनाको पिसीआर परीक्षण सम्पन्‍न भएको छ ।

थप १५ जनाको कोरोनाका कारण ज्यान गएसँगै हालसम्म कोरोनाका कारण ज्यान गुमाउनेको संख्या ८६२ पुगेको मन्त्रालयले जनाएको छ ।

प्रतिकृया लेख्नुहोस्:
Prabhu_specian_saving
IME_Pay
Global IME

सम्बन्धित शीर्षकहरु

आजको लोकप्रिय

Mega_Bank
CT-Express
Ime_Pay