scheduleशनिवारमाघ ३ गते, २०७७

चीनमा मर्मत भइरहेको रेलको पुल खस्दा ७ जनाको मृत्यु

बेइजिङ, १७ कात्तिक । उत्तरी चीनको तिआन्जिन प्रान्तमा आइतबार ठूलो दुर्घटना भएको छ । यहाँ रेलवे पुल खस्दा ७ जनाको मृत्यु भएको छ भने ५ जना घाइते भएका छन् ।

दुर्घटनामा फसेका कयौं मानिसहरुको उद्धार चलिरहेको समाचार एजेन्सी सिन्ह्वाले जनाएको छ ।

तिआन्जिन प्रान्तको बिन्हाईमा रेलवे पुलको मर्मत चलिरहेको समयमा दुर्घटना भएको हो । बिहान ९ बजे अचानक पुलको एक ठूलो भाग खस्दा त्यहाँ काम गरिरहेका ७ श्रमिकको मृत्यु हुनुका साथै थप ५ घाइते भएका हुन् । स्थानीय अधिकारीका अनुसार ३० मिटर लामो पुलको भाग फुटेको हो ।

तिआन्जिनका प्रशासनिक अधिकारीहरुले घटनाको कारण खुलेको छैन । घटनाबारे अनुसन्धान गर्न एक अनुसन्धान कमिटी बनेको उनीहरुले जानकारी दिएका छन् ।

सरकारले घाइतेको उपचारको व्यवस्था गरेको छ ।

प्रतिकृया लेख्नुहोस्:
Prabhu_specian_saving
IME_Pay
Global IME

सम्बन्धित शीर्षकहरु

आजको लोकप्रिय

Mega_Bank
Ime_Pay