scheduleबुधवारबैशाख ८ गते, २०७८

नेपालको आर्थिक वृद्धिदर १.९९ प्रतिशतले ऋणात्मक

अर्थतन्त्रको आकार ३९ खर्ब ४३ अर्ब रुपैयाँ

काठमाडौं, २० फागुन । नेपालको आर्थिक वृद्धिदर १.९९ प्रतिशतले ऋणात्मक भएको छ । नयाँ आधार वर्ष बमोजिम आर्थिक वर्ष २०७६\७७ मा नेपालको आर्थिक वृद्धिदर ऋणात्मक देखिएको हो । केन्द्रीय तथ्याङ्क विभागको पछिल्लो संशोधित तथ्याङ्कले नेपाली अर्थतन्त्र कोरोना महामारीका कारण ऋणात्मक आर्थिक वृद्धिदर हुने देशको सूचीमा परेको छ ।

यस्तै यो वर्ष प्रतिव्यक्ति आय एक हजार १३४ अमेरिकी डलर रहेको केन्द्रीय तथ्यांक विभागले जनाएको छ । यस्तै नयाँ आधार वर्षअनुसार नेपालको अर्थतन्त्रको आकार ३९ खर्ब ४३ अर्ब रुपैयाँ पुगेको विभागले आज सार्वजनिक गरेको तथ्याङ्कमा उल्लेख छ ।

नयाँ आधार वर्ष लागू भएपछि हालको अर्थतन्त्रको आकार केही बढ्ने अनुमान गरिएको छ । केन्द्रीय तथ्याङ्क विभागले कूल गार्हस्थ उत्पादन गणनाको आधार वर्ष परिवर्तन भएको हो । विभागमा आज आयोजित कार्यक्रममा हालको राष्ट्रिय लेखा तथ्याङ्कको गणना गर्दाको आधार वर्ष सन् २०००\०१ प्रतिस्थापन गरी नयाँ आधार वर्ष कायम गरेको जानकारी दिइएको हो । अबदेखि सन् २०१०\११ को आधारमा विगत तथा आगामी वर्षको स्थिर मूल्यमा गणना र मापन गरिने छ । सम्पूर्ण गणनाको आधार वर्ष सन् २०१०\११ लाई कायम गरिएको छ ।

अर्थतन्त्रमा नयाँ क्षेत्र उदाउँदै गरेको र परिवेश फेरिएको भन्दै विभागले सन् २०१०\११ लाई नयाँ आधार वर्ष निर्धारण गरेको हो । अन्तर्राष्ट्रिय मापदण्ड र सिद्धान्तअनुसार नै नयाँ आधार वर्ष परिवर्तन गरिएको विभागका निर्देशक ईश्वरीप्रसाद भण्डारीले बताएका छन् । यो नेपालको इतिहासमा पाँचौँ आधार वर्ष हो । दुई दशक पुरानो मूल्य आधारबाट अहिलेको वास्तविक अर्थतन्त्रको मापन कठिन भएकाले आधार वर्ष परिवर्तन गरिएको उनले बताए ।

प्रतिकृया लेख्नुहोस्:
Prabhu_specian_saving

सम्बन्धित शीर्षकहरु

आजको लोकप्रिय

Mega_Bank
Ime_Pay