scheduleसोमवार श्रावण ११ गते, २०७८

थप षड्यन्त्र रचिन सक्छ, अध्यादेश ल्याएर एमाले फुटाउन सक्छन्: ओली

-फाइल तस्वीर

काठमाडौं, १ साउन । नेकपा एमालेका अध्यक्ष केपी शर्मा ओलीले एमाले पार्टी बिगार्न थप षड्यन्त्र हुन सक्ने बताएका छन् । आज बसेको संसदीय दलको बैठकलाई सम्बोधन गर्दै उनले अध्यादेश ल्याएर एमाले फुटाउने प्रयास हुनसक्ने आशंका समेत गरेका छन् ।

प्रधानमन्त्री पदबाट हटेपछि शुक्रबार पहिलोपटक बसेको पार्टी संसदीय दलको बैठकमा बोल्दै ओलीले अदालतले कीर्ते कागजलाई मान्यता दिएको दाबी गरे ।

‘निवेदक र बार एशोसिएसनको दबाबमा इजलास बनेसँगै षड्यन्त्र शुरु भएको थियो,’ उनले भने, ‘यो फैसलामा हाम्रो सहमति छैन । तर हामी लोकतन्त्रवादी भएकाले कार्यान्वयन गरिसकेका छौं ।’

एमालेविरुद्ध थप षड्यन्त्र हुने भन्दै उनले भने, ‘सदन छोटो समय बसेर टुंग्याउन सक्छन्, प्रदेश र स्थानीय तहमा पनि दुःख दिन सक्छन् । दमनको शुरुवात हुनसक्छ ।’

एमाले अध्यक्ष एवं संसदीय दलका नेता ओलीले वर्तमान सरकारलाई समर्थन गर्न नसक्ने प्रष्ट पारे । सरकारलाई समर्थन गर्न सकिन्छ भन्नेहरुको धारणा व्यक्तिगत हो,’ उनले भने ।

शुक्रबार बिहान बसेको स्थायी कमिटी बैठकले पनि सरकारलाई विश्वासको मत नदिने निर्णय गरेको थियो ।

एमालेले रचनात्मक प्रतिपक्षको भूमिका खेल्ने र सरकारलाई जनहितविरुद्ध काम गर्न नदिने ओलीको भनाइ थियो ।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय