scheduleशुक्रवार आश्विन १ गते, २०७८

जसपाको उपेन्द्र यादव पक्षमा कार्यकारिणी सदस्य थपिँदै

काठमाडौं, १० साउन । जनता समाजवादी पार्टी जसपाको आधिकारिकता विवादमा निर्वाचन आयोगले कार्यकारिणी समितिका सदस्यहरूको ‘हेड काउन्ट’ निर्णय गर्न लागेको भन्दै सर्वोच्च अदालतमा महन्थ ठाकुर पक्षले रिट दर्ता गरायो ।

उक्त रिट निवेदनमा आइतबार कुनै आदेश जारी भएन भने सोमबार विहानसम्म उपेन्द्र यादव पक्षमा कार्यकारिणी समितिका सदस्यहरू थपिने भएका छन् । जसपामा उत्पन्‍न विवादका कारण कार्यकारिणी समितिका सदस्यहरू अध्यक्षद्वय यादव र ठाकुर पक्षमा विभाजित भएका छन्।

अहिलेसम्म कार्यकारिणी समितिका ३२ जना यादवको पक्षमा र १९ जना ठाकुरको पक्षमा खुलेका छन् । ठाकुर पक्षका राजकिशोर यादवले आफू कुनै पक्षमा नलागेको प्रष्ट पारेका छन् । ठाकुर पक्षका एक कार्यकारिणी सदस्य रेशम चौधरी जेलमा छन् । हेड काउन्टमा उनी जाने अवस्था छैन । निर्वाचन आयोगले विवाद निरूपण गर्न सोमबार कार्यकारिणी समितिका सबै सदस्यलाई कार्यालयमा बोलाएको छ।

यादव पक्षका एक नेताले दिएको जानकारी अनुसार सोमबार बिहानसम्म ठाकुर पक्षका केही कार्यकारिणी सदस्यहरूले यादवको पक्षमा जाने बताएका छन् । ठाकुर पक्षका नेता मनिष सुमन यादव पक्षमा जाने करिब निश्चित भएको ती नेताले दाबी गरे । यस विषयमा सम्पर्क गर्न खोज्दा भने सुमन सम्पर्कमा आउन चाहेनन् ।

यो समाचार आजको नागरिक दैनिकमा छ ।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय