scheduleशुक्रवार आश्विन १ गते, २०७८

उपत्यकाका तीनै जिल्लामा भेरोसेलको पहिलो मात्रा आज देखि

फाइल फोटो

काठमाडाैं, १४ साउन । आजदेखि काठमाडौं उपत्यकाका तीनै जिल्ला काठमाडौं, भक्तपुर तथा ललितपुरमा भेरोसेलको पहिलो मात्रा लगाउन सुरु गरिंदै छ । ५० वर्षभन्दा माथिका र यसअघि छुटेकालाई खोप दिन लागिएको हो । खोपकेन्द्रको व्यवस्था भने स्थानीय तहले गर्ने जनाइएको छ ।

काठमाडौंका प्रमुख जिल्ला अधिकारी कालिप्रसाद पराजुलीका अनुसार काठमाडौं महानगरपालिकाका ३२ वटै वडामा खोप केन्द्र रहनेछन् । यस्तै, अत्यावश्यक सेवाका व्यक्तिहरुको हकमा पाँचवटा अस्पताललाई खोप केन्द्र तोकिएको छ ।

जसमा राधास्वामी आइसोलेसन सेन्टर सामाखुशी, वीर अस्पताल काठमाडौं, निजामती अस्पताल नयाँ बानेश्वर, टिचिङ अस्पताल महाराजगञ्ज तथा शुक्रराज ट्रपिकल तथा सरुवा रोग अस्पताल टेकु छन् । यस्तै, फरक क्षमताका व्यक्तिहरुले पहिलो मात्राको भेरोसेल खोप नजिकका खोप केन्द्र वा पायक पर्ने स्थानमा गएर लगाउन पाउने छन् ।

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय