पछिल्लो २४ घण्टामा १ सय ३५ जनामा कोरोना संक्रमण, एक जनाको मृत्यु

साझापोस्ट

काठमाडौं । पछिल्लो २४ घण्टामा थप १३५ जनामा कोरोना भाइरस संक्रमण पुष्टि भएको छ । एकजनाको मृत्‍यु भएको छ ।

 

स्वास्थ्य तथा जनसंख्या मन्त्रालयका अनुसार ३ हजार ४१ परीक्षणमा १३५ जनामा संक्रमण देखिएको छ ।जसमध्‍ये १ हजार ४७३ जनाको पीसीआर परीक्षण गर्दा ११४ जना र १ हजार ५६८ जनाको एन्टिजेन परीक्षण गर्दा २१ जनामा संक्रमण देखिएको मन्त्रालयले जनाएको छ ।

 

योसँगै कोरोनाका सक्रिय संक्रमितको संख्या १ हजार ४३९ पुगेको छ । पछिल्लो २४ घण्टामा ५९ जना संक्रमणमुक्त भएका छन् ।अहिलेसम्म ११ हजार ९५३ जनाको मृत्यु भएको छ । नेपालमा कोरोना संक्रमितको कुल संख्या ११ लाख २२ हजार ३३६ पुगेको छ । ९ लाख ६८ हजार १६ जना संक्रमणमुक्त भएका छन् ।