काठमाडौं । नेपालीभाषी गायक विपुल क्षेत्री ग्रामी अवार्डको सदस्यमा मनोनित भएका छन् । विश्वको सर्वोच्च संगित अवार्ड ग्रामीमा अब उनले मतदान गर्न पाउनेछन् । रेकर्डिङ एकेडेमीले क्षेत्रीसहित दुई हजार भन्दा बढी सर्जकलाई सदस्यमा नियुक्त गरेको जनाएको छ ।
यसअघि एकेडेमीले क्षेत्रीलाई सदस्यका लागि निम्तो गरेको थियो । उनी ग्रामी अवार्डको सदस्य बन्ने पहिलो नेपालीमाषी गायक भएका छन् । क्षेत्रीले सन् २०२२ को ग्रामी अवार्डमा मतदान अधिकार प्राप्त गर्नेछन् । भारतको कालिम्पोङमा जन्मिएका क्षेत्रीले सन् २०१४ मा सांगीतिक यात्रा शुरु गरेका थिए । क्षेत्रीले वसन्त, गहिरो गहिरो, आशिष, टिस्टा, मुग्लान जस्ता हिट गीत गाएका छन् ।