काठमाडौं । नेकपा एमालेले अर्थमन्त्रीको प्रष्टिकरण नसुन्ने भन्दै प्रतिनिधिसभाको बैठक बहिस्कार गरेको छ ।
सभामुख अग्निप्रसाद सापकोटाले अर्थमन्त्री शर्मालाई आफूमाथि उठेका विषयमा प्रष्टिकरण दिन समय दिने वित्तिकै एमालेले राजीनामा माग्दै बैठक बहिस्कार गरेको हो । एमाले सांसद योगेश भट्टराईले अर्थमन्त्री शर्मालाई मन्त्रीका रुपमा स्वीकार नगर्ने र राजीनामा दिएपछि मात्रै कुरा सुन्ने भनेपछि एमाले सांसदहरु उठेर हिंडेका थिए ।
एमाले सांसद भट्टराईले अर्थमन्त्री शर्माले राजीनामा दिएपछि संसदीय विशेष समितिले पूर्वमन्त्रीका रुपमा बयान लिनुपर्ने माग गरे ।