काठमाडौं । स्थानीय तह निर्वाचनमा देशभरका वडाध्यक्षले पाएको मतका आधारमा नेपाली कांग्रेस पहिलो पार्टी भएको छ । नेकपा एमालेभन्दा नेपाली कांग्रेस करिब एक लाख मतले अघि छ ।   निर्वाचन आयोगले मंगलवार सार्वजनिक गरेको आधिकारिक मत विवरण अनुसार नेपाली कांग्रेसले वडाध्यक्षको मतका आधारमा ३९ लाख ५६ हजार १९३ मत पाएको छ । त्यस्तै नेकपा एमालेले वडामा पाएको मत ३८ लाख ११ हजार ६०२ मत छ ।  नेपाली कांग्रेसले ३४.२८ र एमालेले ३३.० ३ प्रतिशत मत पाएको छ । माओवादी केन्द्रले १५ लाख ३ हजार २४७ मत पाएको छ । यो १३ .०३ प्रतिशत हो । चौथो स्थानमा रहेको जसपाले वडाध्यक्षतर्फ ६ लाख ८८ हजार ३८० मत पाएको छ भने नेकपा एसले ४ लाख २२ हजार ७३७ मत वडामा पाएको छ । छैटौँ स्थानमा रहेको राप्रपाले ३ लाख ६४ हजार १६० मत पाएको छ । सातौँ स्थानमा रहेको लोसपाले २ लाख ४४ हजार ८८८ मत पाएको छ ।